E fundit!

10:49 Aktualitet

Helmimi i kursantëve në Akademinë e Sigurisë/ "Zgjohet" AKU

Pas nisjes së hetimeve nga Policia dhe Prokuroria, është z...

Daeshi a do e godasë Italinë gjatë festës së Hanukkës?

19 Dhjetor 2016, 17:52, Aktualitet CNA

Nga Gjergj THANASI

Kasapët e Shtetit Islamik, ndërsa kryenin mizori pas mizorie, akte terroriste nga më të përgjakshmet, thjesht nuk e kruanin me Izraelin dhe interesat hebreje kudo në botë. Tashmë, që ISIS-it të Kalifit Al Baghdati po i mbështillet laku në fyt në Siri dhe Irak, sipas parimit pas meje u bëftë qameti, po planifikohet të goditen edhe objektiva izraelite. Ky trend i ri u tentua të aplikohej në Shqipëri gjatë ndeshjes së futbollit Shqipëri-Izrael, por fatmirësisht dështuan thuajse totalisht. Nga territori sirian në zonën e Lartësive Golan u tentua një sulm me mjet civil të sajuar për qëllime ushtarake (technical), por IDF-ja cifute e asgjësoi mjetin dhe të paktën 4 operativë të Daeshit, që ishin në të. Fatkeqësisht kasapët e ISIS-it me sa duket nuk po heqin dorë nga synimet e tyre për të masakruar sa më shumë hebrenj, që të jetë e mundur. Ka shumë mundësi, që objekti i tyre i ardhshëm të jetë komuniteti ebraik në Itali gjatë festimit të Hanukkës(festa hebraike e dritave). Me një goditje të tillë Daeshi shpreson të bëjë një spektakël propagandistik me vlera globale sipas parimit: due piccioni con una fava (me një gur të vrasë dy zogj). Për koincidencë festa e Hanukkës këtë vit përkon me festën e Krishtlindjeve. Kriminelët e Shtetit Islamik, kanë për qëllim të gjakosin jo vetëm ?ebrenjtë e poshtër?, por edhe ?kryqtarët? vrasës të myslymanëve, nëse do të jenë të suksesshëm në sulmin terrorist të rradhës.

Pista shqiptare

Duke gëdhirë e enjtja më datë 15 dhjetor 2016, policia e Prefektures së Atikës në bashkëpunim me rojen bregdetare greke goditën një grup të strukturuar kriminal, të specializuar në trafikun e klandestinëve. Ky grup përbehej nga trafikantë grekë dhe të huaj.Trafiku kryhej me rrugë tokësore nga fushat e minuara buzë Lumit Evros (Meric) afër kufirit greko-turk deri në portet came të Gumenicës dhe Prevezës. Gjatë operacionit u arrestuan 13 persona të përfshirë në këtë veprimtari trafikimi klandestinësh. Në kuadrin e të njejtit operacion Roja bregdetare greke në një zonë të Detit Jon abordoji (hipi me forcë) moto-peshkatoren E? me kapiten shqiptar. Në peshkarexhë grekët zbuluan 33 klandestinë. Normalisht kjo barkë peshkimi nuk ishte projektuar për të mbartur një numër të tillë personash. Në bordin e saj u gjetën vetëm 8 jelekë shpëtimi të standartit AS 1512-1996, d.m.th. në rast mbytje të barkës klandestinët rrezikonin mbytjen e menjëhershme, për shkak të mungesës së mjeteve të shpëtimit.

Terroristë ujgurë

Për shkak të nivelit të ulët profesional të rojeve bregdetare dhe të policisë greke 33 klandestinët e kapur u klasifikuan thjesht si viktimat të këtij grupi kriminal. Punonjësi i EYP-it grek, që trajtoi këtë rast kapjeje klandestinësh, duke qenë me origjinë nga Krahina e Manit, si shumica e maniotëve karakterizohej nga një nivel relativisht i ulët i intelegjencës. Pikërisht për këto arsye grekët e ngratë e hëngrën gënjeshtrën e disa prej klandestinëve, me tipare fizike tipike të racës mongoloide (aziatike), të cilët pretenduan se ishin tibetianë dhe kërkonin azil politik në Europë për t?i shpëtuar persekutimit të kinezëve të etnisë Han si edhe të bashkëkombësve tibetianë të fesë së quajtur Bon. Faktikisht klandestinët e deklaruar si tibetianë ishin shtetas kinezë të etnisë ujgure (popullsi e grupit Turkic). Ata pasi kishin luftuar në radhët e Daesh-it në frontet e luftës të Kalifatit Islamik, kishin marrë rrugën për në Europë dhe u paguanin trafikantëve të qenieve njerëzore sa frëngu pulën vetëm dhe vetëm, që të mbërrinin në Itali para Krishtlindjeve (Sic!) Meqenëse në radhët e rojeve bregdetare, policëve dhe spiunëve grekë nuk kishte asnjë person të vetëm, që të zotëronte gjuhën standarte tibetiane apo dialekte të tilla si Khams dhe Amdo, pa u verifikuar u pranua si i mirëqenë pretendimi i ujgurëve se ishin tibetianë. Njohja e dobët e kinezces nga grekët nuk arrinte të zbulonte në kinezcen e klandestinëve përdorimin e fjalëve me origjinë perse apo ruse aq tipike në variantin e kinezces (varianti Mandarin)së folur nga popullsia ujgure. Fatkeqësisht grekëve nuk u shkoi ndër mend një test i thjeshtë. Feja budiste, që praktikohet edhe në Tibet, i ndalon ithtarët e saj të bëhen synet, sipas parimit të mos mos bërjes keq ndaj trupit të njeriut, ndërsa feja myslymane e inkurajon bërjen synet. Nëse klandestinët, që pretendonin se ishin budistë tibetianë, do të kontrolloheshin dhe do rezultonte se ishin bërë synet, atëhere kuptohet që kishim të bënim me myslymanë aziatikë (raca mongoloide), që flasin një kinezce të rënduar me fjalë të huazuara nga persishtja, rusishtja dhe arabishtja d.m.th. kemi të bëjmë me ujgurë.

A janë të vetmit?!

Këta ?foreign fighters? luftëtarë të huaj, që pas përvojës në fushat e betejës së Shamit dhe Irakut, kërkojnë me ngulm të arrijnë në Itali para Krishtlindjeve, a nuk janë pakëz të dyshimtë?! A kemi te bëjmë me një grup të vetëm apo me disa grupe, me destinacion Italinë dhe afat kohor: para Krishtlindjeve? Po shqiptarët cfarë rroli luajnë në këtë trafik klandestinësh, ndoshta edhe terroristësh?

Përjashtohet a priori, që kapiteni i motopeshkatores të jetë radikal islamik, për deri sa ha bërxolla derri dhe pi verë Recina, konjak Anessia me 7 yje apo edhe raki Dhrovjani. Kemi të bëjmë me një shqiptar tipik, që për të bërë para është gati të bëjë pakt me djallin. Njëlloj si zonjusha Zace apo bashkejetuiesi i saj z. Hënaj, që i shitën terroristit tunizian pistoletën, me të cilën hapi zjarr mbi turmën gjatë aktit terrorist në Nica, edhe kapiteni i peshkarexhës E?, thjesht shpresonte të bënte para. Ai absolutisht nuk e ka pasur idenë, që po dërgonte në Itali një grup ish luftëtarësh të Shtetit Islamik, që duan me patjetër të mbërrinë në destinacion para Krishtlindjeve, njëkohësisht para Festës së Hanukkas. Kaq dhe vetëm kaq! Një tahmaqar parash dhe asgjë më shumë, që si të thuash i ka hyrë detit në këmbë dhe tashmë është ?peng? në duart e policisë greke.

Disponojmë emrin, port-regjistrin, shenjën e thirrjes së motopeshkatores si edhe emrin e kapitenit të saj, por nuk po i bëjmë publike për të mos ua shtuar telashet familjarëve të rrezikziut, që tashmë është në mëshirën e policisë greke, e cila është e famshme për të keq (notorious), përsa i përket shkeljes së të drejtave njerëzore të shqiptarëve, që halli i përplas në dyert e saj.