E fundit!

22:46 Aktualitet

Pas ndeshjes, protestuesit zhvendosen te selia e PD-së: Opozitë e shitur

Pas ndeshjes, protestuesit janë zhvendosur para selisë së ...

Mazhoranca në provë/ Ja ligjet ku përplasen PS-LSI

17 Dhjetor 2016, 10:16, Aktualitet CNA

Situata në koalicionin qeverisës sa vjen dhe tensionohet. Seanca e të enjtes në Parlament dëshmoi qartë për një krisje të re mes PS-LSI, pasi socialistët nuk pranuan amendamentin e LSI për të pezulluar koncesionin e laboratorëve.

Prova e vërtetë e koalicionit do të jetë data 22 dhjetor, pasi të enjten që vjen do të mbyllet dhe sesioni parlamentar. Në këtë seancë, PS-LSI dhe PDIU duhet të dëshmojnë se janë bashkë, pasi viti 2017 mund të sjellë shumë surpriza.

Më 22 dhjetor do të hidhen në votim dy ligje shumë të rëndësishëm dhe mjaft të debatueshëm në koalicion: ligji për koncesionet i propozuar nga LSI dhe dekreti i Presidenti Bujar Nishani për ligjin e mbetjeve.

Ligji i LSI hyn në kalendar pas përplasjeve të së enjtes. Pas kaq muajsh, ai nuk ishte futur në kalendar, por përplasjet për koncesionin e laboratorëve kanë bërë që përfaqësues të LSI të kërkojnë hedhjen në votim të ligjit.

Kreu i grupit parlamentar, Petrit Vasili, tha pak kohë më parë se LSI nuk do dorëzohet dhe kishte një skenar që ligji të shkojë direkt në seancë. Kjo duket se do të ndodhë këtë të enjte. Në ligjin e LSI propozohet që koncesionet mbi 4 vjet të kalojnë me votim në Parlament, por kjo nuk është pëlqyer nga socialistët, të cilët kanë bllokuar ligjin për 7 muaj.

22 dhjetori do jetë provë, pasi mbetet të shihet nëse PS do japë votën e saj pro ligjit. Nga ana tjetër, PD më herët ka thënë se do mbështesë nismën dhe një bashkim i mundshëm votash PD-LSI, do ishte tregues i qartë i përçarjes së koalicionit qeverisës.

Një tjetër ligjqë pritet të votohet më 22 dhjetor është ai për plehrat. Presidenti Bujar Nishani e ktheu atë për rishqyrtim, por për muaj me radhë u mbajt i bllokuar nga Komisioni i Veprimtarive Prodhuese, kjo dhe për shkak të kundërshtive të LSI. Por në kalendarin e punimeve thuhet se dekreti do votohet të enjten e ardhshme dhe mbetet të shihet nëse do rrëzohet apo jo.

Edhe ky ligj është një provë mbijetese për mazhorancën, pasi LSI e ka cilësuar të nxituar ligjin. Nga ana tjetër mësohet se PDIU do votojë pro dekretit.

Prej disa javësh, situata në koalicionin PS-LSI është tensionuar, pasi nuk ka ende një vendim të qartë nëse duhet të shkohet bashkë në zgjedhjet e ardhshme. Nga ana tjetër, takimet e Metës dhe të Ramës janë pezulluar, ndërkohë ka pasur dhe përplasje mes ministrave. 22 dhjetori pritet të tregojë deri diku nëse PS dhe LSI do shkojnë bashkë në zgjedhjet e ardhshme.