web counter
LEXO PA REKLAMA!

SHKARKO APP

App Store
Google Play

E fundit!

x

Koment/Rrëfimi i Berishës në Top Story dhe Lulzim Basha

13 Dhjetor 2016, 11:04, Aktualitet CNA

Ish-kryeministri Sali Berisha, dje ka bërë një rrëfim në Top Story-n e Sokol Ballës në Top Channel.

Berisha është rikthyer në një studio me një gazetar që kur e ka larg e urren Berishën, ndërsa kur e ka pranë ?dashurohet? me të. Balla shpesh e ka sulmuar ashpër të ftuarin e djeshëm në studio, por kjo nuk e pengoi ta admironte në studio.

Ish-kryeminitri foli gjatë dhe mbajti qëndrime edhe për kohën e diktaturës, situatën post komuniste dhe zhvillimet e vendit. Audienca dje në Top Story ka qenë maksimale nga me të mëdhatë ndoshta të vitëve të fundit. Berisha dje theu një rekord duke qenë më i ndjekur se Rama dhe Basha të marë se bashku në studion e Sokol Ballës.

Por problemi për PD-në dhe Berishën nuk është Rama dhe audienca, por efekti Lulzim Basha.

Kryetari në detyrë i PD në 3 vite ende nuk ka mundur të zgjojë tek opozitarët, kundërshtarët dhe shqiptarët, kërshëri, dhe dëshirë për ta ndjekur. Basha është i njëjtë në të gjitha televizionet. Dikur dukej si një “star mediatik”, tani që del shpesh në studio, gjithmonë e më shumë po bëhet i pandjekshëm. Me të njëjtën formë dhe rritëm, nuk ka lajm, i lodhshëm në komentet e tij, gjithmonë i njejtë. Thjesht rrallë hedh një shashkë dhe largohet. Mundësi që i vjen si kryetar i PD. Qëndron tek demagogjia njësoj si Rama në 2013, por nuk ka artikulimin dhe mardhënien e Ramës me publikun.

Basha kur del në studio ndiqet gjithmonë e më pak, jo vetëm nga shqiptarët por edhe nga anëtarët dhe simpatizantët e PD, për ta ai është një kryetar partie sepse nuk ka tjetër, është ai thjesht dhe vetëm sepse Rama konsiderohet kundërshtar. Nuk është ai që duhet, por është në krye ntë PD dhe baza e ndjek. Aq sa bazë ka ngelur.

Lulzim Basha nuk ndiqet nga demokratët dhe militantët e PD-së në daljet e tij mediatike, dhe gjithmonë audianca e tij ka qenë më e ulët se audienca në ekranet e tjera televizive.

Ka një fakt që e argumenton këtë që shkruajta më siper, demokratët janë të ?dashuruar? me Berishën dhe shqiptarët kanë ende atë si lider të PD dhe opozitës. Kjo qëndron nga njëra anë, por një tjetër aspekt është pse demokratët nuk e admirojnë Bashën, njësoj si Berishën?! Ndoshta ju duket ?tradhëti?, ndoshta Berisha ishte lideri që donin demokratët dhe Basha duket që qesh më shumë e bën më pak punë.

Por ka një të vërtetë të madhe edhe pse e dhimbshme për demokratët, Basha nuk ngjit dhe këtë e thonë edhe njerzit e tij në konfidencë.

Basha është ndryshe, nuk ka kulturën, thelbin, forcën dhe shpirtin që reflekton tek ta Berisha. Lulzim Basha është ende i vogël që të bëhet si Berisha dhe ndoshta kurrë nuk do jetë si ai. Berisha është etalon për demokratët, prandaj dhe Basha çdo ditë ju duket si zhgënjim. Ky është një rrezik i madh për PD dhe të ardhmen e saj politike. Dje audienca e Berishës ishte një leksion për Lulzim Bashën, për të kuptuar çfarë do të thotë lider politik dhe pse nuk e ndjekin demokratët dhe shqiptarët./Elvi FUNDO-Citynews





Lajmet e fundit nga