E fundit!

22:51 Aktualitet

Biznesmeni Artur Shehu thyen heshtjen: Jam pronar i vjetër i tokës në Zvërnec, nuk i njoh fare investitorët

Biznesmeni shqiptar Artur Shehu ka folur në emisionin Opin...

Vetëvendosje: Qeveria po mbron veglat e saj, fajtorë për vdekjen e Astrit Deharit

10 Dhjetor 2016, 07:46, Aktualitet CNA

Vetëvendosje i ka kthyer menjëherë përgjigje Qeverisë së Kosovës, që i ka cilësuar si antidemokratike dhe linçim publik, shpalljen e 12 fajtorëve, sipas Vetëvendosjes, për montimin e rastit që paraburgosi aktivistët e saj.

Vetëvendosje këtë e cilëson si ?mbrojtje të veglave të veta dhe shërbëtorëve më besnikë?, transmeton Koha.net.

?Qeveria e Kosovës, në burgjet e së cilës vdesin dhunshëm aktivistë politikë nën akuza të rrejshme, sot paska dalë në mbrojtje të veglave të veta. Kjo qeveri e cila nuk ka dhënë kurrë llogari për politikat e dështuara të saj, që e kanë dobësuar Kosovën së jashtmi dhe e kanë përçarë atë së brendshmi, mbron shërbëtorët e vet më besnikë?, thuhet nga Vetëvendosje.

Vetëvendosja thotë se qeveria që lë popullin pa bukë, synon t?i shfajësojë 12 fajtorët ?për vdekjen e dhunshme në burg të Astrit Deharit?.

?Kjo qeveri e cila e ka lënë popullin tonë pa bukë, pa punë e pa arsim, sot i quan 12 fajtorët për vdekjen e dhunshme në burg të Astrit Deharit, qytetarë. Duke i quajtur qytetarë 12 përgjegjësit për humbjen e një të pafajshmi, qeveria synon t’i shfajësojë ata. Duke i thënë qytetarë 12 funksionarëve, qeveria po dëshiron të ngarkojë me faj gjithë qytetarët e Kosovës, për të mos e marrë fajin vetë. Qytetarët e Kosovës nuk janë kriminelë me pushtet. Qytetarët e Kosovës janë të papunë, janë punëtorë pa të drejta e të abuzuar, janë fëmijë e të rinj me arsim jocilësor e pa të ardhme, janë luftëtarët e UÇK-së që shohin se si disa komandantë po e shesin luftën, jemi të gjithë ne, që e vuajmë përditë arrogancën dhe dhunën e pushtetit policor, që e vuajmë rrenën e shpifjen e kanaleve zyrtare e jozyrtare mediatike të pushtetit, që e vuajmë padrejtësinë që e prodhon një sistem i diskredituar gjyqtarësh e prokurorësh, të gjithë papërjashtim në shërbim të “klanit pronto” dhe të servilave të tyre nga LDK?, thuhet në VV.

Ata më tej kërkojnë drejtësi për Astrit Deharin, duke thhënë se pa vënë drejtësi do të shkaktojnë edhe Astritë të tjerë.

?Ndaj ne kërkojmë drejtësi për Astritin, sepse pa vënë drejtësi për Astritin, atëherë këta 12 funksionarë bashkë me shefat e tyre do të shkaktojnë Astritë të tjerë. Këta mizorë që me paratë e vjedhura nga buxhetet për arsim e shëndetësi kanë ndërtuar villa e pallate për fëmijë e kushërinj, i kanë lënë pa punë, pa bukë e pa shpresë bashkëqytetarët tanë duke i lënë si opsion ose emigrimin, ose përballjen direkte me ta, me rrezikun që përfundon si Astriti. Asnjë prej këtyre funksionarëve e pushtetarëve nuk dha dorëheqje, asnjë prej tyre nuk u hetua për vrasjen skandaloze të një mjeku 26 vjeçar në burgun e shtetit. Përkundrazi ata vazhdojnë të shpifin me mediat e komunikatat e tyre?, shton më tej Vetëvendosje.

Këto, që VV i quan shpifje, sipas tyre do të gjejnë shpejt përgjigjen në organizim popullor, që më shumë po bindet se ardhmja duhet të jetë tjetër.

?Këto shpifje do ta gjejnë shpejt përgjigjen e tyre në organizim popullor. PDK e LDK janë e shkuara e dhimbshme dhe e mjerë, janë shtypja e pasluftës. E populli përditë e më shumë po bindet se e ardhmja duhet të jetë ndryshe. Larg shtypësve, vjedhësve, shpifësve e gjakësorëve, të cilët do t’i heqim nga pushteti për t’i dërguar në hetime e në burgjet që i meritojnë?, ka përfunduar Vetëvendosje.