E fundit!

22:51 Aktualitet

Biznesmeni Artur Shehu thyen heshtjen: Jam pronar i vjetër i tokës në Zvërnec, nuk i njoh fare investitorët

Biznesmeni shqiptar Artur Shehu ka folur në emisionin Opin...

Ndërtimi pa leje në Sheshin “Skënderbej”/ Kallëzim Penal për Bashkinë e Tiranës

8 Dhjetor 2016, 17:21, Aktualitet CNA

Kryeinspektori i Inspektoriatit të Mbrojtjes së Territorit në Bashkinë e Tiranës dhe inspektorët e saj janë kallëzuar penalisht në prokurori, në lidhje me ndërtimin e Sheshit ?Skënderbej?. Kallëzimi është kryer nga ish kandidati për Bashkinë e Tiranës dhe themeluesi i ?Sfida për Shqipërinë?, Gjergj Bojaxhi.

Në dokumentin e mëposhtëm drejtuar prokurorisë, thuhet se Bashkia e Tiranës nuk ka lëshuar si dhe nuk është botuar në Regjistrin Kombëtar të Planifikimit asnjë leje ndërtimi për kryerjen e punimeve për parkingun nëntokësor në Sheshin ?Skënderbej?. Pra, ndërtimi i parkingut nëntokësor nga Bashkia e Tiranës, po kryhet pa leje.

Sipas kallëzimit të Bojaxhi, shkeljet ligjore për ndërtimin e parkingut duhet të ishin konstatuar më parë nga Inspektoriati i Mbrojtjes së Territorit në Bashkinë Tiranë, dhe ndaj tyre duhet të ishin masat përkatëse për të ndaluar paligjshmërinë e këtyre punimeve të ndërtimit.

Bojaxhi thekson në kallëzimin drejtuar organit të akuzës se Kryeinspektori dhe Inspektorët e IMT-së në Bashkinë e Tiranës, nuk kanë kryer procedurat e përcaktuar në ligj, duke mos kryer funksionin e ushtrimit të kontrollit të territorit në fushën e urbanistikës.

Kryeinspektori dhe inspektorët akuzohen për veprën penale të ?shpërdorimit të detyrës?, pasi lejuan ndërtimin pa leje, njëkohësisht duke dëmtuar interesat e ligjshme të shtetit. Duke mos kryer detyrën, këta funksionarë kanë lejuar ardhjen e pasojave të rënda dhe të pakthyeshme si kryerja e punimeve ndërtimore që shkatërrojnë pronën dhe dëmtojnë infrastukturën publike, në një territor që shtrihet jashtë kontureve të pasurisë 7/5, duke ngritur rrethimin e kantierit në cënim të pronave kufitare pa asnjë autorizim ligjor.

Ky veprim cënon në mënyrë flagrante të drejtën e pronës si e drejtë themelore kushtetuese dhe përbën një veprim të kundraligjshëm që përfshin një sërë elementësh të veprave penale./citynews

Më poshtë, kallëzimi i kryer nga Gjergj Bojaxhi