A po i falimentojnë edhe bankat qeverisë Rama?!

7 Dhjetor 2016, 07:30, Aktualitet CNA

Guvernatori aktual i Bankës së Shqipërisë z. Sejko ngutazi ka përgatitur me stafin e tij një projektligj për rregullat e reja për ndërhyrje të jashtëzakonshme për shpëtimin e depozitave në rast falimentimi të bankave të nivelit të dytë. Ky projektligj sipas Bankës së Shqipërisë është përgatitur me qëllimin e mirë, që në Shqipëri të shmangen pasojat e dëmshmë për depozituesit, sic ndodhi me bankat greke gjatë krizës financiare të vitit 2008 dhe në vazhdim. Kjo ngutje për qëllime të mira në përgatitjen e projektligjit ?Për rimëkëmbken dhe ndërhyrjen e jashtëzakonshme në banka? menjëherë të sjell në mend proverbin anglez ? The road to Hell is paved ëith the best intetions?!

Pushtetarët dhe bankierët shqiptarë duke qenë përgjithsisht më të informuar se publiku i gjerë u kanë paraprirë shumë ngjarjeve të hidhura e të rënda në historinë e afërt të Shqipërisë me projektligje e letra paralajmëruese, të cilat përgjithsisht nuk kanë pasur qëllim shmangien e pasojave të rënda por shpëtimin e b? së pushtetarëve apo kryebankierëve.

Kujtojmë këtu, që diktatori Alia ngutazi në piskun e vapës së korrikut 1990 shpalli dekretin Nr. 7408 dt. 31 korrik 1990 ?Për mbledhjet, grumbullimet dhe manifestimet në vendet publike?. Dekreti i Alisë ishte thjesht një përpjekje për t?i vënë një vello demokratike e liberale shtypjes me dhunë të protestave të pritshme të?kafshëve? shqiptare, që po zgjiheshin nga gjumi sic thoshte Pranvera e bija e Diktatorit të vdekur. Dekreti i Alisë nuk i shtypi demostrat në Qytetin Studenti, në Shkodër, Kavajë, Durrës, Elbansan e më vonë edhe në Lushnjë, Rrëshen, Korcë, Fier etj.

Alia me qëllim që t?i vishte petka demokratike shtypjes me breshëri armësh të protestave të shqiptarëve dhe për të mbytur në gjak cdo tentativë për të sulmuar Bllokun (Sindroma e Causheskut dhe Helenës të pushkatur për Krishtlindje) po ashtu në 5 janar 1991 ngutazi nxorri dekretin 7449 Për përdorimin e armëve të zjarrit nga Forcat e Kufirit, të Ruajtjes së Rendit Publik dhe nga Rojet Civile dhe Ushtarake të Armatosura?. Dekreti nuk funksionoi, por spiunë të Sigurimit arritën që zemërimin e popullit të Tiranës kundra kafshëve të Bllokut ta drejtonin kundra bronzit të Statujës së Dullës.

Ramizi për hipokrizi ndaj Nexhmijes nxorri edhe dekretin ?Për mbrojtjen e monumenteve?, por as ky dekret me nene tejet repressive nuk i mbrojti dot statuajt e Dullës në Tiranë, Korcë, Gjirokastër, Durrës, Maminas, Fier e më vonë as statujën e Hysni Kapos në Vlorë.

Guvernatori Luniku si Pontius Pilati në vaktit gjatë vitit 1996, i lau duart nga përgjegjësia për krizën e firmave piramidale duke u shkruajtur letra të tipit ?after pilafi?, Berishës, Meksit, Bodes, Gazidedes etj. Ndërsa shqiptarët paguanin marrëzinë e firmave piramidale me lot e gjak, Guvernatori Luniku, pararendës i Guvernatorit Sejko jetonte si veshka në mes të dhjamit në SHBA duke ngrënë kursimet nga rroga e tij si guvernator prej 22 000 lekësh të reja në muaj.

Ka shumë të ngjarë që edhe ?projektligji Sejko? të jetë dicka e ngjashme me letrat e Lunikut. Nuk përjashtohet mundësia që një apo disa banlka të nivelit të dytë në Shqipëri të jenë në buzë të greminës. Kujtojmë se 6 mujori i parë për ?Raiffeisen Bank? në Shqipëri ka qenë plot telashe d.m.th. sterrë i zi nga pikëpamja e gjendjes finaciare të bankës në fjalë. Kjo bankë ka një rol shumë të rëndësishëm ndër bankat shqiptare të nivelit të dytë. (Për më shumë mund të konsultoni një artikull tonin të më parshëm. Linku: http://www.citynews.al/2016/08/raiffeisen-bank-plot-telashe-12-milione-euro-humbje-ne-6-muaj/1)

Kemi të drejtë të themi se shqiptarët duhet t?i dalin zot vehtes për sa i përket mbrojtjes së parave të tyre të depozituara në banka të nivelit të dytë në Shqipëri. Qeveria Rama, po të jetë për mbjellje palmash, vizim shumëngjyrësh të vijave të bardha, lyerje laramane pallatesh, rilindje urbane edhe të Librazhdit dhe Ersekës është mëse e aftë, sa për bankat aha?. Kjo qeveri burgos e i lë të ngordhin në burg hallexhinjtë për një poc elektriku me lidhje të paligjshme, për një avlli të ndërtuar pa leje, por sa për hajdutët e bankave me kostum ?Pierre Cardin? ata transferojnë paratë e vjedhura në Tortola Islands dhe pak para se të shpërthejë stuhia ia mbathin jashtë Shqipërisë me ?executive jet? si Bashkim Driza në vaktit.

Mjer shqiptarët e mjerë!

GJERGJ THANASI