web counter
LEXO PA REKLAMA!

SHKARKO APP

App Store
Google Play

E fundit!

x

OXHAQET E KORÇES/ Nga Agim XHAFKA

6 Dhjetor 2016, 19:07, Aktualitet CNA

Provova mbrëmë me miq, shokë e farefis të rezervoja një dhomë hoteli në Korçë për Krishtlindje. Nuk ia dola. Prej muajsh ishin zënë nga qeveritarët, deputetët, funksionarët dhe skota e tyre.

Mes përgjigjeve negative që merrja shihja në tv Korçën time mbushur me vrasje, varje fëmijësh me tel apo mbytje me rrip. E u lëndova në shpirt, e u revoltova me zemër. Urreja e ofshaja. Nuk e mendoja që prej atij populli të mençur, të matur, punëtor, nikoqir të dalin monstra.

E pamjet në tv më sillnin kullën, pazarin e bukur, pejzazhin përrallor e…ndërkohë shoh çatitë me tjegulla të kuqe si në Paris e Pragë, por pa tym në oxhaqe. Pa shenjat se brenda pallateve ka jetë. Kur isha i vogël zjarri bublonte në çdo sobë. Oxhaqet bënin garë kush e kush ta hidhte tymin më lart. Ngrohtësia na bënte të harronim ushqimin e pakët, na afronte me njëri tjetrin, na bënte më të dashur e më të ndjeshëm. Korça pa zjarr si fëmija pa qumësht. Provo të rrish në atë qytet pa ngrohje dy ditë. Të mbërthen trishtimi dhe ndjenjat negative. Të ikësh urgjent se egersohesh me veten e fqinjët.
Qytetin e ka mbërthyer varfëria, mjerimi, stresi, depresioni. E rritet çdo ditë e keqja se nuk ka shpresë, dritë. Elita e vendit pushton hotelet, argëtohet, largohet e kur dëgjon krimet makabre i bije shkurt:”Do ashpërsojmë ligjet.”
Oxhaqet në Korçë heshtin. Ua kanë vjedhur ngrohtësinë. Deri kur,qyteti im?





Lajmet e fundit nga