web counter
LEXO PA REKLAMA!

SHKARKO APP

App Store
Google Play

E fundit!

x

Bashkimi Evropian i përgjigjet PD-së/ Akuzat synojnë vonesën e zbatimit të Reformës në Drejtësi

6 Dhjetor 2016, 17:08, Aktualitet CNA

Bashkimi Evropian ka reaguar sot në lidhje me deklaratat e PD-së që pretendonin se EURALIUS dhe delegacioni i BE-së janë përfshirë në gabime të qëllimshme në përkthimin e ?vettingut?.

Përmes një deklarate për shtyp, BE dënon akuzat e rreme dhe shton se këto veprime kanë që qëllim të krijojnë konfuzion dhe të vonojnë zbatimin e reformës së drejtësisë, përfshirë rivlerësimin e gjyqtarëve dhe prokurorëve.
Më poshtë, deklarata e BE

“BE dënon përhapjen publike të akuzave të rreme që pretendonin se EURALIUS dhe Delegacioni i BE-së janë përfshirë në gabime që supozohen të qëllimshme në përkthimin anglisht të legjislacionit shqiptar që i është dërguar për shqyrtim Komisionit të Venecias.

Shqiptarët mbështesin në shumicë dërrmuese reformën tërësore të drejtësisë që përfshin procesin e rivlerësimit (vettingun). Veprimet apo deklaratat, të cilat në mënyrë artificiale synojnë të krijojnë konfuzion, duket se kanë të vetmin  qëllim që të mundohen të vonojnë zbatimin e reformës së drejtësisë, përfshirë rivlerësimin e gjyqtarëve dhe prokurorëve.

BE-ja është e vendosur të vazhdojë të sigurojë gjithë asistencën e nevojshme që qytetarët e Shqipërisë të kenë qasje në një sistem drejtësie të besueshëm dhe të përgjegjshëm”, thuhet në deklaratën e zëdhënëses së Bashkimit Europian.





Lajmet e fundit nga