web counter
LEXO PA REKLAMA!

SHKARKO APP

App Store
Google Play

E fundit!

x

KLSH zbulon skandalin në Bashkinë e Tiranës/ Rriti çmimin e biletës të autobusave pa formulë, të anulohet

29 Nëntor 2016, 17:50, Aktualitet CNA

Kontrolli i Lartë i Shtetit i ka kërkuar Bashkisë së Tiranës anulimin e rritjes së çmimit për transportin publik në kryeqytet, rritje që u krye nga Këshilli Bashkiak në fund të vitit 2015.

Sipas raportit të KLSH, Bashkia Tiranë nuk ka pasur asnjë studim ekonomik dhe asnjë formulë mbi të cilën është rritur çmimi.

?Indeksimi i çmimit të biletës së udhëtimit nga 30 lekë në 40 lekë nuk ka patur një studim ekonomik nga ana e Bashkisë Tiranë dhe nuk ka pasur një formulë mbi të cilën është rritur çmimi. ?, shkruhet në raportin e KLSH

Por, Bashkia e Tiranës, përgjigjet se rritja e çmimit është kryer në kushte emergjence dhe për këtë arsye nuk pati një formulë.

?Lidhur me çmimin e shërbimit, vendimi i Këshillit Bashkiak u mor në kushtet emergjencës dhe nuk ka një analize me formulë bazuar në indeksin që lidhet me inflacionin, por u shtrua në Këshill dhe u trajtua si indeksim në tërësi për periudhën e viteve që nga vendimi i fundit i Këshillit të Ministrave dhe Këshilli Bashkiak mori vendimin përkatës pa një indeksim me formulë.?, shprhet Bashkia Tiranë

Në rekomandimin e saj, KLSH i kërkon Bashkisë së Tiranës të marrë masa e të përllogarisë metodologjikisht e jo në kushte emergjente rritjen e mundshme të çmimit të biletës së transportit urban qytetës, mbi bazën e  normës së inflacionit të deklaruar zyrtarisht dhe një formule të saktë dhe të qartë ekonomike.

Deri në nxjerrjen e një analize të plotë e të saktë bazuar në kushtet e lartpërmendura, KLSH rekomandon Bashkinë e Tiranës të anulojë rritjen e çmimit të biletës së transportit urban qytetës./citynews

 





Lajmet e fundit nga