web counter
LEXO PA REKLAMA!

SHKARKO APP

App Store
Google Play

E fundit!

x

Kërkimi dhe inovacioni, Shqipëria pa progres

29 Nëntor 2016, 17:28, Aktualitet CNA

Një nga fushat ku Bashkimi Europian ofron mbështetje me financime është padyshim kërkimi dhe inovacioni. Për zyrtarët e Brukselit, në Shqipëri përgatitjet në këtë fushë janë në një fazë fillesare dhe pak progres është vitin e fundit. Ndërsa ka përcaktuar detyra të qarta për vitin që do të vijë.

BE-ja tregohet e qartë kur thotë se Shqipëria duhet të adoptojë një strategji gjithëpërfshirëse në fushën e kërkimit dhe të inovacionit; të ndërtojë kapacitete dhe të rrisë investimet në linjë me prioritetet e përcaktuara nga programi ?European Research Area?.

Sfida do të jetë adoptimi i strategjisë 2015 ? 2020 dhe zbatimi i saj, si një masë për të nxitur investimet në këtë fushë. Shqipëria, aktualisht ka nivelin më të ulët në kërkim dhe teknologji në 0.4% të PBB-së.

Sipas programit ?Horizon 2020?, në të cilin është përfshirë edhe vendi ynë, kërkohet që të forcohet bashkëpunimi ndër institucional, veçanërisht sa i përket masave që mbështesin inovacionin.

Të dhënat zyrtare tregojnë se gjatë peiudhës 2015 ? 2016 numri i aplikimeve për kërkime në inovacion u llogarit në 146 nga 66 që ishin në periudhën 2014-2015.

Megjithatë, vërjenë ekspertët e BE-së numri i kandidatëve që rezulotojnë të suksesshëm në kërkimet e tyre është i ulët. Përfshirja e sektorit privat në këtë fushë është gjithashtu e tillë. Nën programin e ?European Research Area? janë nënshkruar memorandume mirëkuptimi me vende si Austria, Maqedonia e Sllovenia.

Sa i përket angazhimit në Innovation Union, qeveria aktualisht ka krijuar një Fond Inovacioni dhe një skemë ?Voucher?, po ato do të duhet të zbatohen dhe të kenë rezultate konkrete./monitor





Lajmet e fundit nga