web counter
LEXO PA REKLAMA!

SHKARKO APP

App Store
Google Play

Përdornin Club-in për prostitucion/ Dy të arrestuar dhe një tjetër në kërkim

21 Nëntor 2016, 13:10, Aktualitet CNA

Policia e Tiranës, gjatë një aksioni të ndërmarrë në fundjavë, ka arrestuar dy shtetas, të akuzuar për trafikim të të miturve, ndërsa ka shpallur në kërkim një tjetër.

Të arrestuar janë shteasit Xhonatan Terpollari, 21 vjeç, banues në Tiranë dhe Florian Bregu, 36 vjeç, banues po në Tiranë. Ndërsa po punohet për kapjen e shtetasit me iniciale L. B, banues në Tiranë.

Nga kontrolli të ushtruar në Night Club u konstatuan 3 vajza të cilat ishin punësuar si balerina.

Nga verifikimet e kryera rezultoi se njëra prej balerinave më konkretisht shtetësja:

-M. D, 16 vjeçe, banuese në Durrës, dyshohet të jetë rekrutuar nga shtetasi Xhonatan Terpollari që prej muajit Korrik të këtij viti dhe shfrytëzohej për prostitucion  duke i siguruar klientët në ambientin e clubit.

Ambjentet e këtij clubi ishin vënë në dispozicion të veprimtarisë së prostitucionit, ku njëri prej aksionerëve shtetasi Florian Bregu dyshohet të ketë nxitur dhe ndërmjetësuar që vajzat të kryejnë prostitucion.

Po kështu është dokumentuar se në të njëjtën veprimtari kriminale është përfshirë dhe ortaku i tij shtetasi L. B, i cili është shpallur në kërkim. /Citynews

 





Lajmet e fundit nga