web counter
LEXO PA REKLAMA!

SHKARKO APP

App Store
Google Play

Paloka 5 ditë jashtë Kuvendit/ Ristani: Çfarë do bëjë byroja, do përjashtojë popullin?

21 Nëntor 2016, 14:11, Aktualitet CNA

 

Pas përjashtimit me 5 ditë të kryetarit të Grupit Parlamentar të Partisë Demokratike Edi Paloka pas incidenteve të së enjtes shkuar në parlament, ka ardhur edhe reagimi i Sekretarit të Përgjithshëm të PD-së Arben Ristani.

Sipas Ristanit, ?Byroja e Kuvendit, si bijëz besnike e byrosë së dikurshme, përjashtoi sot kryetarin e grupit parlamentar të PD-së, z.Edi Paloka, i cili nuk lejoi një tjetër abuzim të Ilir Beqës, kësaj radhe në Kuvend, kur kërkoi me arrogance të vjedhë edhe foltoren e parlamentit?.

Reagimi i plotë i Arben Ristanit:

Çfarë do bëjë byroja, do përjashtojë popullin?

Byroja e Kuvendit, si bijëz besnike e byrosë së dikurshme, përjashtoi sot kryetarin e grupit parlamentar të PD-së, z.Edi Paloka, i cili nuk lejoi një tjetër abuzim të Ilir Beqës, kësaj radhe në Kuvend, kur kërkoi me arrogance të vjedhë edhe foltoren e parlamentit.

Pasi ka vjedhur miliona euro në shëndetësi, pasi ka vjedhur miliona euro me firmën e tij private që kap cdo tender të qeverisë, pasi trafikon vendet e punës sipas interesit personal dhe të partisë, Ilir Beqja, kampioni i korrupsionit të Edi Ramës, tentoi të vjedhë dhe fjalën në parlament.

Reagimi i Edi Palokës është thjesht shprehja, pasqyrimi i revoltës së popullit për këtë simbol të hajdutërisë dhe abuzimit.

Populli është në revoltë ndaj Beqës, ndaj Ramës, dhe ndaj kusarëve të tij.

Sic doli sot në rrugë dhe tentoi ti bllokojë rrugën drejt zyrës ku ndan koncesionet dhe milionat me klientët e tij.

Cfarë do bëjë byroja, ka ndërmend të përjashtojë popullin? /Citynews





Lajmet e fundit nga