E fundit!

23:00 Aktualitet

Zgjedhja e ekipit drejtues të PD-së/ Vijon numërimi i votave në selinë blu

Vijon procesi i numërimit të votave për zgjedhjen e strukt...

Emrat - Plagosja te qendra e romëve/ Arrestohet autori, 4 të tjerë në kërkim

10 Nëntor 2016, 12:43, Aktualitet CNA

Policia e Tiranës ka kapur autorin e plagosjes së aktivistit të ?Ecovolis?, Valjon Pacani dhe ka shpallur në kërkim 4 shtetas të komunitetit rom, si bashkëpunëtorë.

Policia njofton se u arrestua shtetasi Marjus (Mario) Isaj, 24 vjeç, banues në Tiranë, për Veprën Penale të ?Vrasje në rrethana cilësuese? mbetur në tentativë kryer në bashkëpunim.

Ai akuzohet për ngjarjen e datës 08.11.2016, ku në Rrugën ?Myslym Keta?, plagosi me armë zjarri shtetasi V. P., pranë Qendrës së Emergjencës në të cilën janë akomoduar familje të komunitetit Rom-Tiranë (Tufinë).

Mirëpo në një moment ka lindur një debat dhe mosmarrveshje, ku motiv i kësaj mosmarrveshje dyshohet të ketë qënë, për mospritjen e personave të tjerë të këtij komuniteti nga zona e Bregut të Lumit në këtë ambient. Në konflikt e sipër, shtetasi Marjus Isaj, dyshohet se ka qëlluar me armë zjarri automatik në drejtim të shtetasit V. P., 30 vjeç, banues në Tiranë, aktivist i Shoqatës ?Ekovolis?, duke e plagosur atë në pjesën e shpatulles, i cili ndodhet jashtë rrezikut për jetën dhe ndodhet në Spitalin e Traumës.

Në këtë konflikti janë përfshirë shumë persona të komunitetit rome, të cilët janë konfliktuar duke përdorur mjete të forta dhe si pasojë e tij, ka mbetur i dëmtuar në pjesë të trupit (brinjë), shtetasi B. B., 29 vjeç, banues në Tiranë, punonjës vullnetar në shoqatën ?Ecovolis?.

Nga kqyrja e vendit të ngjarjes u konstatuan dhe sekuestruan në cilësinë e provës materiale, një gëzhojë me kapsollë të goditur, një vegël pune sqepar dhe një telefon i markës ?Nokia?.

Nga veprimet e para proceduriale shtetasi Mario Isaj dyshohet të jetë ndihmuar për tu larguar nga vendngjarja, nga shtetasit rome, të identifikuar nga ana e policisë të cilët janë shpallur në kërkim dhe po punohet për kapjen e tyre.

Në kërkim

1. E. M., 20 vjeç, banues në Tiranë.

2. K. K., 22 vjeç, banues në Tiranë.

3. F. S., 34 vjeç, banues në Tiranë.

4. F. A., 48 vjeç, banues në Tiranë (në qendrën e Romëve) /Citynews