E fundit!

07:15 Sociale

Rriten temperaturat/ Moti për ditën e sotme

Ditën e sotme vendi ynë do të mbetet nën ndikimin e masave...

Përmbytjet në vend/ PAA pyet qeverinë: Vërtetë kaq e ashpër ishte natyra që na gjunjëzoi?

10 Nëntor 2016, 10:22, Aktualitet CNA

Situata e përmbytjeve si pasojë e motit të keq vazhdon të mbajë në nivel alarmi të gjithë vendin.

Reshjet e dendura të shiut kanë përmbytur mijëra hectare tokë bujqësore, banesa, ka shkatërruar ura dhe rrugë si dhe ka lënë pa energji elektrike mijëra banorë në të gjithë vendin.

Lidhur me situatën e krijuar ka reaguar edhe Partia Agrare Ambjentaliste, sipas së cilës një situate e tillë mund të ishte parandaluar.

Reagimi I plotë I PAA:

“Të dashur qytetarë, ne si Parti Agrare Ambientaliste nuk pajtohemi që njeriu të dorëzohet përballë katastrofës të ashtëquajtur natyrore.

Po pse duhet vallë, të pranojmë këtë situatë, e cila mund të ishte parandaluar apo minimizuar.

Reshjet e dendura të shiut në Shqipëri kanë vazhduar me intensitet të lartë përgjatë 48 orëve të fundit, ndërsa autoritetet u kanë bërë thirrje banorëve në zonat e përmbytura që mos të kthehen në banesat e tyre, pasi paraqitet rrezik për jetën e tyre.

Partia Agrare Ambientaliste si parti cështje, ju bën thirrje që nuk duhet të mjaftoheni me kaq, sepse të gjithë ne, kemi te drejtë te dimë se cfarë është duke ndodhur

Specialistët e fushës në Partinë Agrare Ambientaliste i drejtojnë qeverisë Rama disa pyetje!!

Ne si Parti Agrare Ambientaliste shohim me dhimbje se këto vepra sot, janë në mëshirë të spontanitetit, e askush nuk di gjëndjen e tyre dhe se kjo qeveri nuk Po njeh mekanizmin e kontrollit.

Edhe pse Kryeministri Rama, mblodhi të ashtëquajturin Shtabin e Emergjencave për situatën e krijuar në vend nga reshjet e dendura të shiut, ne si Parti ngrejmë shqetësimin se ky shtab na rezulton shterpë, ose më mirë një shoë mediatik.

Të nderuar qytetarë, kjo qeveri nuk mori aspak parasysh që në këtë shtab, duhet të jenë specialistë, që janë marrë me studim, projektimin e ndërtimit dhe që njohin këto vepra sepse vetëm ata mund të japin mendime të pjekura që sipas kushteve mund të përmiresojnë gjëndjen dhe siperfaqjet e përmbytura.

Sepse këta specialistë duhet të flasin me shifra e fakte, sepse të gjitha këto të dhëna duhen të dalin nga një institucion i cili duhet të mbulojë të gjithë gamën dhe problmet që kemi në fushën e bonifikimeve.

Këto të dhëna janë të nevojshme, jo vetëm për të patur një ide të qartë për atë që ndodhi gjatë kësaj dukurie natyrore , por do jenë të nevojshmëri urgjente për studimet e ndërhyrjeve që duhet të bëhen në të ardhmen si dhe për të përcaktuar se në cfare rendi ishin ato, historike apo jo?

Partia Agrare Ambientaliste i kërkon kësaj qeverie, të dalë me të dhëna të sakta për situatën e krijuar sepse Partia Agrare Ambientaliste ka ngritur grupin e punës, të përbërë nga specialistë të fushës të cilët po monitorojnë aktualitetin e hidhur në tërësi dhe marrjen e të gjitha masave për parandalimin e përsëritjes të dëmeve jo vetem në njerëz por dhe tek gjëja e gjallë, duke mos lënë jashtë vëmendjes dhe shumë biznese të cilëve ju janë prerë krahet në mes dhe askush nga qeveria nuk ka treguar vëmendje për të parë rrënimin e tyre.

Qeveria Rama, Ne si Parti ju informojmë se, nëse nuk merrni masat dhe nuk dilni me një relacion konkret te gjëndjes së krijuar, përballë vetes si funksionarë të shtetit shqipëtar, do keni situata tejet ekstreme”. /Citynews.