web counter
LEXO PA REKLAMA!

SHKARKO APP

App Store
Google Play

E fundit!

x

Si u formua LSI?!

7 Nëntor 2016, 00:04, Aktualitet CNA

LSI u krijua më 2004 nga një grup politikanësh të majtë, të shkëputur nga PS. Grupi drejtohej nga zv/kryeministri Ilir Meta dhe pjesë e tij ishin deputetët Ilir Meta, Monika Kryemadhi, Sabit Brokaj, Limoz Dizdari, Spartak Braho, Dritan Prifti, Eduard Alushi, Albert Çaçi, Ndre Legisi dhe Mustafa Muçi.

Në Konventën Themeluese të LSI në shtator 2004 kryetar u bë Ilir Meta, nënkryetarë u bënë Sabit Brokaj, Pëllumb Xhufi, Filloreta Kodra dhe Sokol Axhemi, sekretar i përgjithshëm Petrit Vasili, si dhe kryetar i Komitetit Drejtues Kombëtar Limoz Dizdari. Natyrisht, për të gjitha postet nuk pati votim konkurrues, por mirëbesim e konsensus. Sipas statusit të LSI (2004) kryetari zgjidhej një herë në 4 vjet dhe ?nuk mund të zgjidhet në funksion më shumë se dy mandate radhazi?. Nga viti 2004 kanë kaluar 12 vjet dhe kryetari Meta është përsëri ?në garë? dhe prêt të marrë mandatin e tretë drejtues. Natyrisht, edhe statusi është ndryshuar më vonë, dhe disa prej emrave të përmendur më lart, nuk janë prej vitesh pjesë e LSI.

Procesi zgjedhor në LSI përgjatë viteve 2004-2012 mbeti formal, me vetëm një kandidat në garë për postin e kryetarit. Më 2012 LSI aplikoi votimin e anëtarësisë me dy kandidatë, kryetarin Meta dhe bashkëpunëtorin e tij të afërt, Luan Rama, gjithashtu ish deputet dhe ish ministër me PS. Sipas të dhënave nga LSI (2012), votuan rreth 31 mijë anëtarë, prej të cilëve 78.6% votuan pro kryetarit dhe 21.4% për emrin tjetër formal në garë, i cili edhe u shpërblye duke marrë postin e Sekretarit të Përgjithshëm.

Më 2016 LSI është përsëri në zgjedhje ?statusore?. Në votim janë kryetari Meta dhe dy kandidatë të tjerë, ish rektori i UT Shezai Rrokaj, dhe deputeti i LSI Përparim Spahiu, ky i fundit i ?dënuar? nga LSI me një muaj përjashtim në korrik 2016 kur u shpreh kundër reformës në drejtësi. Natyrisht, gara mbetet formale, dy kandidat sfidantë ndaj kryetarit pikë kryesore programi kanë propozimin që kryetari, pra kandidati i tretë, të bëhet kryeministër më 2017.

LSI është treguar e kujdesshme duke mos bërë publike numrin e anëtarësisë (zyrtarisht thuhet mbi 50 mijë) në mënyrë që në mbrëmje në daljen e rezultateve të mos ketë diferencë midis anëtarëve të deklaruar dhe pjesëmarrësve në votim.
Megjithatë, LSI ka meritën se bën zgjedhje periodike (qoftë edhe formale), ka strukturë solide në bazë, nuk bën publike divergjencat e brendshme (p.sh nuk ka asnjë fjalë dhe as deklarim për shkrirjen e ekipit drejtues të degës së Vlorës, ikjen e dy deputetëve nga LSI drejt PS, etj).

Elementi më i rëndësishëm i këtyre zgjedhjeve në LSI lidhet me aspektin organizativ, ? për të testuar strukturat e bazës në prag të zgjedhjeve të ardhshme elektorale. Sfida më e madhe e saj lidhet me kalkulimet elektorale, nëse do jetë në koalicion me PS edhe më 2017 apo nëse do tentojë të krijojë një pol të tretë politike sfidues me dy partitë e mëdha. Nisur nga nevoja për vota e aleatë e PS dhe çuditërisht edhe e PD, LSI e ka tashmë të garantuar qenien edhe më tej në pushtet, ? gjë që mbetet qëllim i vetëm për modele të tilla politike të tranzicionit shqiptar./ ISP





Lajmet e fundit nga