web counter
LEXO PA REKLAMA!

SHKARKO APP

App Store
Google Play

E çuditshme! Kosova dhe Shqipëria më shumë tregti me Serbinë sesa me njëra-tjetrën

30 Tetor 2016, 09:25, Aktualitet CNA

Kosova dhe Shqipëria vazhdojnë të kenë raporte të brishta ekonomike, pavarësisht premtimeve nga të dyja qeveritë, ajo e Tiranës dhe e Prishtinës për heqjen e barrierave në të dyja anët e kufirit.

Kosova importon shumë më shumë mallra nga Serbia se sa nga Shqipëria. Importet e Koovës nga Serbia janë dyfish më të larta se sa nga Shqipëria. Por, edhe Shqipëria zhvillon më shumë tregri me Serbinë se sa me Kosovën.

Gjatë vitit 2015 Kosova eksportoi në Shqipëri produkte në vlerë prej 40 milionë eurosh, më pak se sa në dy vitet paraprake. Ndërkaq nga Shqipëria importoi produkte me vlerë prej 151 milionë eurosh, apo rreth 20 milionë euro më shumë se sa në vitin paraprak.

Sipas statistikave zyrtare të Agjencisë së Regjistrimit të Bizneseve,  pranë Ministrisë së Tregtisë dhe Industrisë (MTI) shihet se në Kosovë janë të regjistruara 893 biznese nga Shqipëria.

Sipas tyre, 256 biznese tregtare, 141 biznese në fushën e ndërtimit, 117 hoteleri, 107 shërbime administrative, 74 veprimtari profesionale dhe 198 të tjera merren me veprimtari të tjera.

Ndërkaq në Republikën e Shqipërisë operojnë një numër tejet i vogël i kompanive Kosovare, shkruan gazeta “Zëri”.

Gjatë mbledhjeve të përbashkëta mes dy qeverive të Tiranës dhe Prishtinës, por jo vetëm, është premtuar vazhdimisht për heqjen e barrierave doganore dhe lehtësim të të bërit biznes mes dy vendeve, por faktet dhe denoncimet e njerëzve që merren me këtë punë flasin të kundërtën. /Citynews





Lajmet e fundit nga