web counter
LEXO PA REKLAMA!

SHKARKO APP

App Store
Google Play

Kryeministri Rama iu dha universiteteve private 35 milionë euro

21 Tetor 2016, 09:00, Aktualitet CNA

Dje në Parlament ashtu siç i pëlqen kreut të qeverisë, me zë dhe figurë, u vërtetua akuza se reforma e arsimit të lartë ishte një akt klientelist në shërbim të universiteteve private.

Këtë fakt na e tha vetë zoti Rama kur dha shifrat e regjistrimeve në universitet. Sipas kreut të qeverisë, në universitetet private janë regjistruar 4143 studentë, ndërkohë në publik janë regjistruar 15 mijë. Janë gati 7 mijë vende bosh, shumica e tyre te publiku.

Maturantët nga paniku dhe loja e universiteteve private lanë mijëra vende bosh te universitetet shtetërore dhe kjo erdhi për faktin se edhe vetë qeveria me ligjin e saj iu shërbeu privatëve.

4143 kuota me një çmim 2500-3000 euro viti studimor, por mund të ketë edhe degë me tarifa më të larta, janë të ardhura midis 10-12 milionë euro në vit nga këta studentë. Në tre vite bachelor shuma shkon rreth 35 milionë euro, shkruan Citynews.

Kjo është një llogari e thjeshtë që tregon se familjet shqiptare do të paguajnë për universitetet private 35 milionë euro në tre vitet e ardhshme. Shumica e studentëve të regjistruar janë në UET, Albanian University, Luarasi etj.

Kryeministri na e tha vetë dje se ka disa mijëra vende bosh në universitetet publike dhe na tregoi edhe milionat e eurove që nëpërmjet ligjit të tij çoi te universitetet private duke lënë bosh auditorët e universiteteve shtetërore, duke i detyruar në mënyrë klienteliste dhe korruptive të regjsitrohen te privatët dhe të paguajnë mijëra euro nga buxhetet e tyre të varfëra familjare sepse kryeministri kërkon t?ia japë disa klientëve të tij, të cilët më shumë se sa për universitetet ai i do për mediat, ekranet, gazetat, portalet që ata kanë nën administrim.

E dhimbshme por e vërtetë, mijëra vende bosh në universitetet publike, dhjetëra milionë euro që paguhen nga familjet e varfëra shqiptare për klientelën e kryeministrit. /Citynews

 





Lajmet e fundit nga