web counter
LEXO PA REKLAMA!

SHKARKO APP

App Store
Google Play

Rrëfimi tragjik i Kardinal Troshanit/ Kur u pushkatua Patër Anton Arapi u dridh kisha në Shkodër

21 Tetor 2016, 07:00, Aktualitet CNA

Ernest Troshani, kardinali i dytë shqiptar i saposhpallur nga Papa Françesku, ka rrëfyer një moment të veçantë në tragjedinë e klerikëve katolikë shqiptarë në vitet e diktaturës komuniste.

I pyetur në emisionin “Debati në Channel One” se, përse mes 38 martirëve të kishës katolike, nuk është emri i Patër Anton Arapit dhe a mos lidhet kjo me faktin që komunistët e akuzuan për bashkëpunim me gjermanët, Troshani u përgjigj:

?Mund të ketë edhe të tjerë, por unë nuk jam në dijeni. Meqë ra fjala për Patër Anton Harapin di vetëm këtë gjë që gjatë kohës që ai ishte regjent u ka thënë gjermanëve se nuk do të hidhte asnjë firmë për pushkatim të askujt. ?Ne jemi vetëm për shpëtim? ka thënë ai. Më kujtohet se në vitin 1946 kur u pushkatua Patër Antoni, ishim duke u lutur, fiks në minutën që është pushkatuar ai, është dridhur dhe tronditur kisha në Shkodër?.

Çfarë ishte kjo? Vërtetë?

?Po po e vërtetë. Isha aty unë në kishë. Janë dridhur muret e kishës kur po e pushkatonin. Gjashtë vite e kam pasur Patër Antonin drejtor të kolegjit Françeskan?.

Ai u pushkatua në Tiranë në zonën e Kodrës së Priftit bashkë me Lef Nosin dhe kryeministrin shkodran Maliq Buishati, por eshtrat e tyre, pra edhe të Patër Antonit nuk janë gjetur. Por si ka mundësi që nuk është në listë e 38 martirëve të fesë katolike?

?Se di përse nuk është në listën e martirëve? /Citynews.





Lajmet e fundit nga