web counter
LEXO PA REKLAMA!

SHKARKO APP

App Store
Google Play

Edi Rama "misionar i plehut"/ Pa Kosovën nuk ka pajtim Shqipëri-Serbi

21 Tetor 2016, 07:22, Aktualitet CNA

Ish-ambasadori i Shqipërisë në Kosovë, Islam Lauka, e ka cilësuar si ?misionar të plehut? kryeministrin Edi Rama, të cilin e kritikon për vizitën dhe deklaratat e tij në Beograd.

Në një interviste për emisionin “Ora e Fundit” në Klan Kosova, ai është shprehur se, Rama ka gabuar me vizitën në Beograd dhe se ai nuk mund t?i përfaqësojë të gjithë shqiptarët.

?Edi Rama, misionari i plehut? i cili e bëri pleh punën e marrëdhënieve Kosovë-Shqipëri, nga Beogradi. Edi Rama gjatë vizitës së tij të parë në Kosovë, nuk e ka përmendur fare emrin e Ibrahim Rugovës, me çka dëshmoi se nuk e njeh mirë Kosovën?, shprehet Lauka.

Sipas diplomatit, tendenca për t?i pajtuar shqiptarët e serbët që u shpreh gjatë Forumit të Sigurisë në Beograd ku Rama mori pjesë ishte e gabuar, sepse pa Kosovën, nuk mund të ketë pajtim me Serbinë.

?Para se të shkohej në Beograd, duhej menduar mirë. Forumi ku mori pjesë Rama, ishte forum sigurie dhe tema ishte pajtimi i shqiptarëve me serbët. Rama s?mund t?i prezantonte të gjithë shqiptarët në Serbi. Ai nuk e kishte një prokurë nga shqiptarët e Kosovës, të Maqedonisë e as të Malit të Zi. Rama do duhej t?iu thoshte organizatorëve se nëse duan që t?i pajtojnë shqiptarët me serbët, do duhej ftuar në diskutim së pari Kosova. Në rast se nuk pajtohet Serbia me Kosovën, për çfarë pajtimi do të flisnim??, ka thënë ish-ambasadori për Klan Kosova.

Në fund ai shton se, nuk ka kuptim që kosovarët të cilësohen si një popull me një tjetër kombësi.

?Gjithashtu, të thuhet se kosovarët janë tjetër komb, është diçka absurde?, shtoi ai. /Citynews

 





Lajmet e fundit nga