web counter
LEXO PA REKLAMA!

SHKARKO APP

App Store
Google Play

Denoncimi i Majlinda Bregut/ Duhet të paguash që të jesh deputet

21 Tetor 2016, 07:37, Aktualitet CNA

Deputetja e Partisë Demokratike, Majlinda Bregu, kërkon që për financime të dyshimta, kryetarët e partive politike në Shqipëri të shkojnë para drejtësisë edhe gjatë zhvillimit të fushatës zgjedhore.

Propozimin e saj, Bregu e mbështeti në shembullin e vendeve që kanë hapur negociatat me BE-në, të cilat kanë një prokuror të veçantë që merren me mashtrimet zgjedhore.

Deputetja demokrate deklaroi se me sistemin aktual, ligjvënësit janë të varur plotësisht nga krerët e partive dhe për të hyrë në Parlament duhet të paguajnë.

?Në gusht të këtij viti, kur shumë zëra ishin në një hare të pajustifikuar se sa e mirë do të ishte qeveria teknike që do të shpëtonte Shqipërinë nga të gjitha gjëmat e kësaj qeverisjeje, madje disa po ndanin edhe emrat e ministrave, kam thënë se problemi i të gjithave do të jetë hilja që po ndodh me Reformën Zgjedhore. Unë jam një nga të paktët njerëz që besoj se me ligj mund t?i ndalësh dorën korrupsionit me votën. Për të mos i shkuar asaj skemës që është e mirëqenë dhe është gjithmonë në fuqi: ku duhet të paguash për të qenë deputet, ku duhet të paguash dhe të tregosh veten se sa i aftë je për të marrë vendin në Parlamentin e ardhshëm, ku nesër duhet të jesh i gatshëm të bësh vetëm çfarë thotë partia jote, ku koka jote nuk vlen dhe nuk ka rëndësi për 4 vite, sepse ka rëndësi vetëm koka e kryetarit të partisë që të ka zgjedhur?, deklaroi ish-ministrja e Integrimit. /Citynews

 





Lajmet e fundit nga