E fundit!

16:20 Aktualitet

Si u zhvillua operacioni për kapjen e Braçellarit dhe kur nisën të shtënat?/ Pjesë nga dosja hetimore e vrasjes së efektivit në Korçë

Janë zbardhur pjesë nga dosja hetimore për vrasjen e efekt...

Shef Çili i dikton Salianjit alibinë në shtyp

18 Tetor 2016, 08:01, Aktualitet CNA

Pasi Berisha shau Çilin në parlament dhe Çili deklaroi se Rama duhet të fitojë një mandat të dytë si kryeministër, sekretari fshatar për Aksionin Qytetar në PD, Salianji, mendoi se si Çilist i deklaruar, ai duhet të shkruante një alibi, që të mund të vazhdonte të rrinte në PD dhe të bënte karrierë. Si me kujdes dhe me hezitim ai e pyeti Çilin të cilit i thotë shef që nga koha kur ishte student në universitetin e Çilit, nëse duhet të bënte një lloj distancimi nga ai me këtë rast.

-Ta them këtë meqënëse ti shef më fute në PD dhe më the se jam investim afatgjatë atje, -tha Salianji,- tani të gjithë në parti presin se çfarë qëndrimi do të mbaj unë që më njohin si mikun tënd.

-Patjetër, -tha Neim Çili,- ne jemi liberalë me mendje të hapur, duhet të japim shembullin për këtë. Jo vetëm që duhet të distancohesh por duhet edhe të më kritikosh rreptë, nga këndvështrimi i linjës tënde politike. Përveç kësaj, duhet t? i tregosh edhe dhëmbët, se të njohin për shumë të butë, si manikin vitrine. Bjeri dikujt me padi në gjyq nga ata që të sulmojnë, ndonjërit që njihet si i egër në PD, atij Fundos p.sh., që është bërë i padurueshëm. Dhe ma dërgo tekstin kur ta mbarosh, ta shikoj, siç bëjmë zakonisht me fjalimet e tua.

-Po shef, si zakonisht, -tha Salianji.

-Jo tamam si zakonisht se tani duhet t? i ruaj këto tekste me redaktimet e mia që t? ia tregoi Edi Ramës, si provë të përpjekjeve të mia për të transformuar opozitën.

Kur Salianji këmbeu disa herë me e-mail me shef Çilin tekstin e shkrimit, ai u arnua me këto vërejtje, si dhe me sms-të që shkëmbenin ata të dy:

Çili: (Titulli i shkrimit) Emri im duhet që në titull, kështu ke shans të bëhesh i besueshëm. Përdor dhe fjalën ?çilimi? si sharje për ata që të sulmojnë se kanë nisur të të quajnë çilimiu i Çilit. T? i luftojmë me armët e tyre. Në titull duhet të theksosh ndarjen me mua, por dhe me pushtetin. Bëj një lojë fjalësh për çiliminjtë e pushtetit.

Salianji (me vete pa guxuar t? i thotë shef Çilit): Sikur të mos i përdorim shumë këto fjalët me ?ç? shef, aq më tepër këtë ?çilimi? se do të na kthehet kundër si boomerang, do të më thonë Çili-miu, domethënë ?miu i Çilit?.

Çili: Filloje me filozofi politike që t? i bësh reklamë UET për produktin që ka nxjerrë, e kam fjalën për ty. Nise me një pyetje: ?Çfarë i ndodh me një parti kur pas pushtetit të gjatë bëhet opozitë??

Sms nga Salianji: ?Mos më thonë që po flas si Nard Ndoka shef??

Sms nga Çili: Mund të duket pak si pyetje alla Nard Ndoka por përgjigjia do të jetë filozofike.

-Si filozofike, shef?

Çili: Harrove çfarë ke mësuar në UET, si të bësh filozofi politike. Domethënë përdor fjalë si ?ligjësi politike? dhe ?fjalor politik? dhe pastaj shto atë që na intereson. Denonco fenomenin negativ që po vihet re brenda opozitës, për momentin bëje pa emra, por me nënkuptime të qarta. Ideja është se ka një tendencë që brenda opozitës të krijohet një pushtet i atyre që humbën pushtetin, ish-ministra e ish-funksionarë të lartë, të cilët duan ta zgjatin pushtetin brenda partisë, e për këtë kanë krijuar dhe përdorin një makineri mediatike të krijuar prej tyre, me anë të ish-këshilltarëve të pasur.

-Shef, po këtu më duket se i biem edhe Lul Bashës, sepse edhe ai ish-ministër është.- Tha Salianji.

-Tani me qitje të largët edhe Lulit i biem, se pasi t? i spastrojmë këta nga partia, do t? i biem edhe atij që ta marrim partinë ne.- Tha Çili.

-Ah sikur të të shikoj ty në krye të PD-së shef! ?Tha Salianji.

-Unë nuk aspiroj që të merrem me politikë aktive, -tha Çili,- por nëse kauza liberale për të cilën jam përpjekur gjithmonë e kërkon, do ta bëj këtë sakrificë. Nejse dëgjo, hiqe emrin e Fundos nga shkrimi.

-Ai qen na ka tallur e na ka telendisur, po pse të mos i biem me emër, shef?- Tha Salianji.

-Se po t? i biem me emër, duhet t? i tregojmë pasurinë dhe këtu duhet të gënjejmë e pastaj ai do të na hedhë në gjyq e do të na marrë dëmshpërblim. E këto i paguaj unë ashtu si rrogën tënde.- Tha Çili.

-Kuptoj, -tha Salibanji,- si të duket shef kjo që kam thënë: ?një turbinë ricikluese shpifjesh mbahet ndezur ditë e natë kundër z. Henri Çili?.

-Bukur, por hiqe më mirë emrin tim dhe thuaje për veten tënde, -tha Çili,- ty të shërben më shumë tani.

-Si urdhëron shef.

-Dhe thuaj se po të ishte për këta si ky çiraku, ish-këshilltari me portal nuk do të reagoja, por kam detyrim ndaj publikut, thuaj.- Tha Çili.

-Kështu po shef, po sikur të mos i përdorim shumë këto fjalët me ?ç? se kanë lidhje me mbiemrin tuaj, dhe do të kujtohen të na thonë Çiraku i Çilit e gjëra të tilla.

-Ke të drejtë, hiqe.

-Sa para t? i kërkoj Fundos me padi?- Pyeti Salianji.

-Këtë shënoje vetë, mendo sa vlen dinjiteti dhe personaliteti tënd dhe vere shifrën.

-Sikur ta ve 20 milion shef, mos thonë është shumë?

-Ti e di, këtu nuk kam këshilla për ty. Tani të merremi me këtë pjesën ku flet për mua.

-Si t? u duk ajo që kam shkruar shef? E rëndë? E lëshova pak dorën, por vetë më the.- Tha Salianji.

-Shumë të butë e kishe, ja ç? ke shkruar ?Unë e njoh Henri Çilin dhe kam miqësi me të??, dhe vazhdon fjalia e gjatë me përshkrimin e miqësisë sonë. Harrove që po më kritikon? Pra, vendos presje pas ?Unë e njoh Henri Çilin dhe kam miqësi me të?? dhe shto: ?siç kam gjithë hapësirën dhe lirinë e shenjtë për të mos rënë dakord me të.?

-E ashpër, por e mjaftueshme, po të shtojmë edhe atë që nuk jam dakord me atë që ke thënë për mandatin e dytë të Ramës. -tha Salianji.

-Çfarë e mjaftueshme, -tha Çili, -vazhdo më tutje që të jesh bindës: Henri kësaj radhe ka rënë në një gabim të madh, monumental!

-Sikur ta heqim fjalën ?monumental? shef dhe të lemë vetëm ?të madh? për gabimin, se unë nuk jam njeriu i ekstremeve, në përgjithësi. – tha Salianji.

-Epo në ktë rast duhet të tregohesh ekstremist që të jesh bindës. -tha Çili.

-Pranoj nën efektin e forcës madhore, -tha Salianji, -po sikur na doli shumë i gjatë shkrimi shef, do të na botojnë vallë ata të gazetës kaq të gjatë.

-S? ka problem, se kam biseduar me kryeredaktorin, Garipllarin, dhe më tha se kemi një faqe një dispozicion.- Tha Çili.

-Pse e di edhe ai që shkrimin e bëjmë bashkë? ?Tha Salianji.

-Mos u shqetëso, se Garipllari është njeriu ynë, nuk flet, është pus.

-Salianji (me vete): Obobobobo, tani prite kur të më thonë Çili-miu, apo Miu i Çilit! Pastaj do të qeshin edhe macet e Lozhanit dhe të Dusharit me mua. /Citynews