web counter
LEXO PA REKLAMA!

SHKARKO APP

App Store
Google Play

"Shqipëria nuk vendos në emër të Kosovës, por mund ta ndihmojë atë"

17 Tetor 2016, 09:06, Aktualitet CNA

Ish-deputeti i Kuvendit të Kosovës, eksperti i sigurisë Burim Ramadani komenton vizitën e fundit të kryeministrit Edi Rama në Serbi duke u shprehur se, Shqipëria nuk vendos në emër të Kosovës, por ajo mund të ndihmojë Kosovën.

Sipas tij, Kosova ka institucionet e saj dhe përfaqësimin e vet politik, por një përmirësim i raporteve Shqipëri-Serbi nuk është kurrësesi i dëmshëm, raporton Citynews.al.

“Marrëdhëniet e mira midis Shqipërisë dhe Serbisë mund të lehtësojnë përmirësimin historik të raporteve në Ballkan. Kjo normalisht se ndihmon ballafaqimin me të kaluarën, gjë që është një domosdoshmëri politike dhe shoqërore në Serbi.
Shqipëria nuk vendos në emër të Kosovës, por ajo mund të ndihmojë Kosovën, sikurse e ka bërë deri më tash. Po kuptohet, në bazë të ‘fuqisë së zgjuar’, që në marrëdhëniet ndërkombëtare është koncepti që kombinon “të fortën” dhe “të butën” në sjellen e shteteve individuale në raport me të tjerët.


Shteti ynë ka institucionet e veta, përfaqësimin e vet politik dhe rendin e vet kushtetues. Porse, një përmirësim i raporteve Shqipëri-Serbi assesi nuk bën dëm.


Përkundrazi, mund të ndikojë të çlirojë gradualisht një pjesë të mentalitetit politik e shoqëror në Serbi për politikat hegjemoniste ndaj shqiptarëve në Kosovë dhe politikat territorialiste ndaj Kosovës në tërësi”, shkruan Burim Ramadani. /Citynews





Lajmet e fundit nga