Mediat prane qeverise/ Tom Doshi nuk kishte ftese nga Rama

12 Tetor 2016, 18:59, Aktualitet CNA

Ka çuditur mbrëmë në kronikat televizive dalja e Tom Doshit në ceremoninë zyrtare që kryeministri Edi Rama i bëri kardinalit Dom Ernest Trashanit. Të gjithë e panë zgjatjen e sikletshme të duarve të Edi Ramës, i cili sikur donte të thoshte ?nga mbiu ky këtu?. Burime nga kisha katolike bëjnë të ditur se edhe përfaqësuesit e saj janë çuditur shumë nga prezenca e deputetit të përjashtuar nga Partia Socialiste.

Ndërkohë që në orët e mbrëmjes po kërkoheshin përgjegjësitë tek garda e Republikës, shërbimi i Sigurisë së Aeroportit dhe Protokolli i Shtetit për ?incidentin?që nuk shpërtheu për pak, por që në fakt ishte një incident. Përfaqësuesve të protokollit të Kryeministrisë, deputeti Tom Doshi, u ka thënë se ndodhet me ftesën e Kishës Katolike, ndërkohë këtyre të fundit se ishte me ftesë të Edi Ramës, shkruan portali Pamfleti.com.

Doshi ka përfituar nga lidhja miqësore me nipat e Dom Ernest Trashanit, pasi janë nga i njëjti fshat, Trushi i Nënshkodrës, ku kardinali ka shërbyer e shërben.

Siç mësohet, Rama ka kërkuar menjëherë sqarime për situatën, pasi imazhi që përhapet nëpër botë është shumë i rëndë, sidomos në sytë e Vatikanit, i cili është shumë i vëmendshëm ndaj detajeve të tilla. Por bie në sy që mbrëmë nuk ka pasur asnjë deklaratë, si nga ana e Kryeministrisë, ashtu dhe nga Kisha Katolike, për të dhënë një opinion mbi situatën.

Kjo heshtje e shton edhe më shumë komplikimin, aq më shumë se komentimi prej mediave kryesore ka qenë trullosës. News 24, që ka si aksioner me pak kuota Tom Doshin, e shiti shtrëngimin e sikletshëm të duarve të Ramës me Tomën si ?pajtim?.

Në fakt Tom Doshi negocioi përmes të ndjerit Artan Santo për ta blerë totalisht News 24, por nuk ja arriti. Mori vetëm një pjesë të vogël aksionesh, aq sa për t?i përdorur mbrëmë. Mediat e opozitës kanë heshtur, duke çuditur vërtetë për këtë performancë. Nëse Edi Rama nuk e ka ditur që Tom Doshi ka hyrë aty si ?fanti spathi? duke e kujtuar se i ka dhënë leje kisha, nuk ka përse të ketë ndjenjën e fajit për dorën e dhënë.

Mjafton që qëndrimi të jetë transparent dhe i qartë. Pasi Doshi është deputet dhe si tillë nuk e ka shumë të vështirë të depërtojë në zonë VIP në Rinas, pas i lejohet me ligj, por kjo situatë kërkon të distancohen menjëherë institucionet.