Bujar Nishani do të rikandidojë për President/ Nuk do të dal në pension kaq shpejt

28 Shtator 2016, 07:02, Aktualitet CNA

Presidenti i Republikës, Bujar Nishani gjykon se ka të drejtë të rikandidojë kur shikon se ka një bilanc pozitiv të punës në postin që mban. Kreu i shtetit e sheh të natyrshëm rikandidimi kur ka punuar siç duhet në mandatin e parë.

Në një intervistë për gazetën shqiptaro-amerikane ?Illyria?, Nishani tha se kjo varet nga vullneti i mazhorancës. Ai tha se mbetet për tu parë sesi do të rrjedhin ngjarjet, pasi për herë të parë Presidenti zgjidhet në të njëjtën kohë me parlamentin e ri. Por Nishani siguria, se nuk do të dalë në pension kaq shpejt.

?Se cila do të jetë e ardhmja ime politike, pa dyshim që te çdo presidenti që mbyll një mandat, është krejt e natyrshme synimi i një mandati të dytë kur ai mendon se e ka kryer me përpjekje të sinqerta dhe të vërteta punën në mandatin e parë dhe që ka besim se mund të japë ende kontribute, në një mandat tjetër. Por, në sistemin tonë, kjo nuk mbetet vetëm në dëshirën e presidentit të Republikës. Kjo është e ndërthurrur me vullnetin e mazhorancës përkatëse në parlamentin e Shqipërisë. Mbetet për t?u parë se cilat do të jenë zhvillimet deri në prill-maj, sepse për herë të parë ndodh që Presidenti zgjidhet në të njëjtën kohë me parlamentin e ri. Prandaj, parlamenti aktual, përpara se të shpërndahet duhet të zgjedhë presidentin që do të vijojë”, tha Nishani.

“Sido që të ndodhë, unë ju garantoj juve, opinionin publik, të gjithë ata që janë të interesuar për mënyrën e funksionimit të Zyrës së Presidentit të Republikës, se deri në datën 24 korrik 2017, ajo do të funksionojë në përmbushje të plotë të detyrave dhe të drejtave të mia kushtetuese. Më tej, mund t?ju them sot një gjë të sigurtë që nuk e kam ndërmend që të dal në pension kaq shpejt. Se cila do të jetë më pas rruga që do të ndjekë aktiviteti im do të mbetet për t?u pare?, shtoi me pas Presidenti Nishani.

Presidenti i Republikës, Bujar Nishani deklaroi gjithashtu se nuk ka asnjë informacion për Samitin e Diasporës ? dhe se nuk do të bëhet pjesë që të keqpërdoret diaspora për synime partiake dhe elektorale. /Citynews.al