Antieuropiani i Ramës dhe zagarët e shtatorit

27 Shtator 2016, 16:24, Aktualitet CNA

Jo sporadikë, por të kontrrolluar dhe përdorur. Ndoshta jo direkt nga Lulzim Basha, diku me porosi të Edi Ramës, ka një fakt mendimi ndryshe në PD po sulmohet.

Pak ditë më parë një ish drejtues i PD ishte kritik ndaj Majlinda Bregut, ky zë shpesh i akuzuar si ish sigurims me pseudonimin ?i vogli? po tenton të rikthehet pa shpresë. Në rast se opozita shpëron nga rikthimi i tij, kjo do vlente për diçka, në fakt ai nuk i vlen as dreqit e jo më opozitës.

Nga ana tjetër media e antieuropianit është venë në dispozicion të sulmeve ndaj mendimeve ndryshe në PD. Komente të porosituara apo të shkruara me servilizëm për ?dashurinë? ndaj Lulit mbajnë erë të keqe servilizmi dhe perversiteti politik. Kjo për faktin se bëhen tek këshilltari kryesor i Edi Ramës, ai që sot pasdite vraponte për të hyrë në kryeministri. Behen nga media e atij që shkatërroi arsimin e lartë me një ligj klientelist dhe korruptiv, bëhen tek një media që u përdor për një liçence apo për ta shpëtuar atë, bëhen nga klientela e tij sharlatane në oborrin e opizitës.

Dikush tjetër nga kjo media shkon e broçkullit në ekran, thua se problemi në vend është mendimi ndryshe në PD. Në fakt vetë Basha në daljen e tij në Opinion në TV Klan, një nga emisionet e tij më të dështuara në histori, në një moment sinqeriteti tha se kishte gabuar, ai pranonte gabimet dhe vlerësonte kritikat.

Por zagarët e ?këshilltarit? të Ramës me universitet privat ku drejton babai i kryekëshilltarit, apo këshilltarët pa vlerë në ndonjë tjetër institucion publik që nuk i vlejnë askujt, së bashku me ndonjë ish-sigurims, apo pulë pa pendë që vjen vërdallë duke u bërë si biçikletë në PD, janë thjesht gërhitje pa vlerë.

Janë thjesht shërbim ndaj Ramës në një mënyrë, servilizëm ndaj Bashës që nuk bën asgjë tjetër thesht dëmton opozitën. Kjo në fakt me elitën që ka nxjerë përpara dhe mënyrat që po përdor me këtë lloj klientele duket se do ketë mjaft probleme në zgjedhjet e ardhshme.

Kjo elitë dhe këta që vijnë vërdallë janë problem i madh për PD-në dhe opozitën, që ndoshta Basha i shikon, i përdor, por për zgjedhje ai do ketë një tjetër kërkesë.

Basha për të shpëtuar nga turpi i atyre që mund të kandidojnë dhe ka përpara mund të gjejë një zgjidhje. Ai mund të kërkojë ndryshimin e sistemit zgjedhor, jo marzhoritar, jo propocional, jo lista të hapura apo të mbyllura, por për Bashën mundësisht do vlente sistëmi zgjedhor me lista të fshehta, sepse njerëzit do llahtariseshin me kandidatët e tij, ata që i paguan antieuropiani, ish-sigurimsat, servilët e kështu me rradhë. Ndoshta kjo do ishte një zgjidhje por që nuk do i vlente fitores. Kjo e fundit kërkon të tjera zgjidhje, përtej palaçove që sulmojnë mendimin ndryshe. Larg ?këshilltarëve? të Ramës apo shërbimeve të zagarëve në ditët e fundit të shtatorit./CityNEWS