web counter
LEXO PA REKLAMA!

SHKARKO APP

App Store
Google Play

Kinezët dhurojnë 10 eskavatorë/ Bujqësia prioritet

27 Shtator 2016, 15:07, Aktualitet CNA

Qeveria kineze ka dhuruar 10 eskavatorë për bujqësinë shqiptare. I pranishëm në ceremoninë e dhurimit në Durrës, kreu i Kuvendit Ilir Meta, tha se këto mjete do të shërbejnë për pastrimin e kanaleve kulluese në një sektor prioritar për vendin sicc është bujqësia.

?Do të shërbejnë për të pastruar shumë prej lumenjve, për të mbrojtur tokat bujqësore por edhe mjaft komunitete në vendin tonë që ende vuajnë nga përmbytjet sot. Zhvillimi i bujqësisë pa diskutim që është një prioritet madhor për të gjithë zhvillimin e vendit dhe për të luftuar varfërinë?, tha kreu i Kuvendit Ilir Meta.

Për Ministrin e Bujqësisë Edmond Panariti, i cili mori pjesë në këtë ceremony vëmendja këtë periudhë, është te masat që do shmangin përmbytje të mundshme.

?Ky sistem i cili tashmë përfiton edhe nga këto makineri moderne dhe të fuqishme do të jetë mbështetëse e zhvillimit të vrullshëm që bujqësia shqiptare që ka marrë. Puna që është bërë në hapjen e kanaleve të reja, vaditëse dhe kulluese në mirëmbajtjen e sistremit është spektakolare. Me qindra mijë metra kub dhe janë spostuar, një punë që nuk është një orë por 20 vite?, tha ministri i Bujqësisë Edmond Panariti.

Këto mjete do të shërbejnë për përmirësimin e infrastrukturës kulluese, por njëkohësisht edhe për pastrimin e shtratit të lumenjve.





Lajmet e fundit nga