E fundit!

09:40 Kronika

“Jam kushëriri…”/ Skifteri i merr 60 mijë euro kambistit, u prezantua si i afërm i një biznesmeni

Një kambist në Durrës ka humbur 60 mijë euro pasi është ma...

Hapja e negociatave do të kontrollojë abuzimet e qeverisë

27 Shtator 2016, 12:02, Aktualitet CNA

Ish-ministrja e Integrimit Majlinda Bregu në intervistën në Studion e Ora Neës ka deklaruar se hapja e negociatave do të kontrollojë abuzimet e qeverisë. Sipas Bregut Integrimit Europian i Shqipërisë shpesh ofrohet si një term jo i prekshëm dhe ku qytetarët e shohin pa përgjigje konkrete atë për të cilën janë të interesuar standartin e jetesës dhe punësimin e tyre.

Deputetja e PD-së bregu tha se e vetmja gjë e prekshme deri tani ka qenë liberalizimi i vizave. Bregu shpjegoi se përtej asaj që do të ofrojë qeveria për publikun si arritje, hapja e negociatave do të jetë një gjë për të cilën opozita mezi po pret të ndodhë sepse do të ketë kontroll mbi punën dhe abuzimet e qeverisë. /Citynews.al

Pjesë nga intervista e ish-ministres së Integrimit Majlinda Bregu në Ora News, në vijim:

?Pyetje: Çfarë do t?i sillte hapja e negociatave vendit?

Bregu: Pak kuptohet nga qytetarët në një qytet të Shqipërisë se çfarë do të thotë për proçesi i integrimit europian në rast se është i papunë, në rast se nuk ka shërbimin e duhur shëndetësor, në rast se konfliktuohet apo nuk merr arsimin e duhur për fëmijët. Çdo gjë u duket fjalë në erë. Besoj se Shqipëria nuk mund të jetë një vend i sigurt në rast se ne kërkojmë zbatim të standardeve vetëm në parim. Që standardet të monitorohen një nga një, që të shihet nëse ato standardet e mjedisit, ai ligji i menaxhimit të mbetjeve që u votua në Parlament është një ligj që duhej rikthyer për votim në Parlament tani. Me të vërtetë Shqipëria ka tani standarde më të mira mjedisore sot, apo të kontrollit dhe të garantimi që nuk do të ketë hyrje të materialeve problematike në vend? Në rast se do të bëhet fjalë për monitorimin e situatës dhe sigurisë në vend, ne themi dhe ju dëgjoni çdo ditë nga opozita për masivitetin dhe shtrirjen e kanabisitt në të gjithë Shqipërinë. Po në rast se do duhet të flasim për lidhje të krimit me politikën, faktuale mënyra më e vetme për të pasur më shumë presion ndaj politikanëve vendas, ndaj qeverive tona të cilat në vendet tona, në Shqipëri, nuk janë kurrë demoratike mjaftueshëm, garancia e vetme sot është garancimi i një monitorimi rigoroz dhe të shpeshtë.Një monitorim rigoroz dhe të shpeshtë nuk e bën dot me statusin e vendit kandidat. Statusi i vendit kandidat është si unaza e fejesës që të vihet në gisht por nuk të ka garantuar të ardhmen tënde të sigurt drejt një martese të lumtur.Kontrolli i vërtetë fillon me proçesin e hapjes së negociatave. Sepse çdo kapitull do të fillojë, do të negociohet dhe do të shikohet. Shqipëria duhet të paraqesë pozicionin e saj, kur të hapë negociatat duhet të ketë një qëndrim të saj se cili do të jetë prioriteti kombëtar. Ju dëgjoni sot që qeveria njëherë thotë se ka prioritet bujqësinë, një herë turizmin, një herë energjinë. Asnjë nuk di sot se cili do të jetë prioriteti ynë kombëtar për të mbrojtur pozitat e Shqipërisë.Mundësinë për të shkuar në detaje dhe për ti dhënë garanci dhe opozitës dhe për ti hequr nga dora mundësinë e abuzimit që bën qeveria e krijon vetëm proçesi i hapjes së negociatave. Ka dy palë. Qeveria mund të jetë e interesuar për hapjen e negociatave sepse i duket se do të jetë një investim për punën e saj. Unë nuk e shoh kështu dhe më takon të mos e shoh kështu nga ana e opozitës. Mua më intereson proçesi i hapjes së negociatave sepse Shqipëria do të ketë vëmendje më të madhe për të mos pasur ato abuzime me reformat siç kanë ndodhur deri më sot.?