web counter
LEXO PA REKLAMA!

SHKARKO APP

App Store
Google Play

E fundit!

x

Kuota të rezervura për fëmijët e familjeve në nevojë

27 Shtator 2016, 16:27, Aktualitet CNA

Kopshtet publike do të përcaktojnë kuota të rezervuara për fëmijët e familjeve në nevojë. Kryebashkiaku i Tiranës, Erjon Veliaj, e ka deklaruar këtë ndërsa ka  inspektuar përfundimin e punimeve të kopshtit  ?Bob Ndërtuesi? në Njësinë 8.

Pavarësisht kërkesave të larta për kopshtet publike, kryebashkiaku Erjon Veliaj premtoi se do të ketë vende të rezervuara për familjet që trajtohen me ndihmë ekonomike apo kanë persona me aftësi të kufizuara.

?Do të kemi një sistem kuotash të rezervuara, sidomos për fëmijët që vijnë nga familje me ndihmë ekonomike, në nevojë, që kanë persona me aftësi të kufizuar, për t?u siguruar që edhe kopshti është një mikro-qytet ku përfaqësohen të gjithë, sidomos ata që janë nevojtarë. Tani që reputacioni i kopshteve publike është rritur, statistikisht kemi 11 aplikime për çdo vend që kemi në kopësht?, tha Veliaj.

Veliaj premtoi se brenda javës do të përfundojnë punimet në të gjitha kopshtet e kryeqytetit.

?Brenda javës tjetër ne do të plotësojmë të gjithë premtimin tonë, kështu që na kanë mbetur edhe katër kopshte të tjera për të përfunduar dhe besoj që për herë të parë Tirana do të ketë mundësi të thotë: Kopshtet publike kanë përfunduar, janë ultramoderne sot, janë oaze modern?, tha kreu i bashkisë së Tiranës.

Kopshti ?Bob ndërtuesi? në Njësinë Administrative nr. 8 është kopshti i 22 që rikonstruktohet plotësisht nga Bashkia e Tiranës dhe ofron ambiente dinjitoze për më të vegjlit që e frekuentojnë atë. /Citynews.al





Lajmet e fundit nga