web counter
LEXO PA REKLAMA!

SHKARKO APP

App Store
Google Play

E fundit!

x

Trafik klandestinësh/ Arrestohen tre persona

28 Shtator 2016, 06:48, Aktualitet CNA

Në finalizim të operacioni anti-trafik të koduar ?Vërdova?, janë arrestuar në flagrancë tre përsona, në Korçë. Finalizohet me sukses operacioni anti-trafik i koduar ?Vërdova?. Kundrejt shpërblimit te arrestuarit do të ndihmonin 27 shtetas të huaj, për të kaluar kufirin në mënyrë të paligjshme. Specialistët e Sektorit për Narkotikët dhe Trafikun e Paligjshëm në DVP-Korçë, kanë finalizuar me sukses operacionin e koduar ?Vërdova?, ku si rezultat i të cilit, u bë kapja dhe arrestimi në flagrancë i shtetasve : Leonard Jaçellari, 28 vjeç, banues në fshatin Hudënisht-Pogradec. Vasil Kuburja, 47 vjeç, banues në Elbasan. Arsen Çekiçi, 44 vjeç, banues në fshatin Buçimas-Pogradec. Arrestimi i tyre u bë pasi, në bazë të informacioneve të siguruara në rrugë operative, si edhe falë veprimeve të mirëkoordinuara, këta shtetas u kapën në flagrancë në aksin rrugor Korçë-Pogradec pranë vendit të quajtur “Kryqëzimi i Vërdovës”, duke transportuar me automjetet e tyre, 27 shtetas të huaj (klandestinë) me kombësi siriane, irakene dhe sudaneze, të cilët vinin nga një kamp i qytetit të Selanikut/Greqi dhe kishin kaluar ilegalisht kufirin e gjelbër drejt tokës shqiptare. Tre të lartpërmendurit, i’u kishin premtuar shtetasve të huaj, se do t’i ndihmonin këta të fundit, për të shkuar drejt vendeve të BE-së, duke kaluar nëpërmjet territorit shqiptar, kundrejt shumës prej 1200 Euro për personat e rritur dhe 600 Euro për fëmijët. Pas përfundimit të veprimeve proceduriale si edhe intervistimit të tyre, 27 shtetasit e huaj (midis tyre 12 fëmijë të mitur) janë transportuar drejt Qendrës Kombëtare Pritëse për Azilkërkuesit, në Babrru. Në cilësinë e provës materiale u sekuestruan 3 automjete, dy prej të cilave tip “Ford” me targa AA 370 IR dhe AA 622 MY, automjeti tip “Mercedes-Benz” me targa TR 3127 T si dhe 4 aparate celulare. Materialet i kaluan Prokurorisë së Rrethit Gjyqësor Pogradec, për veprën penale: “Ndihma për kalim të paligjshëm të kufijve” parashikuar nga neni 298/3 i Kodit Penal. /Citynews.al

 





Lajmet e fundit nga