Nga Kastriot MYFTARAJ/Phillips Airlines

16 Shtator 2016, 16:30, Aktualitet CNA

Një kompani e re ajrore kryen fluturime midis Italisë dhe Shqipërisë. Kjo kompani nuk ka emër zyrtar por meriton të quhet ?Philips Airlines?, sipas emrit të Ambasadorit amerikan në Itali, John R. Phillips. Kompania ?Philips Airlines? është krijuar në zbatim të doktrinës së re gjeopolitike të Departamentit të Shtetit për Shqipërinë, që mund të quhet Doktrina e Kanabistabilitetit (duke bashkuar fjalët ?kanabis? dhe ?stabilitet?). Kjo është një doktrinë e ngjashme me ato që ka pasur SHBA në Amerikën Latine dhe në Itali, në kohën e Luftës së Ftohtë, kur kartelet e drogës dhe mafia shiheshin si përbërës të stabilitetit politik dhe gjeopolitik të vendeve përkatëse, në rrethanat kur ekzistonte rreziku komunist në këto vende.
Në rastin e Shqipërisë së sotme, Doktrina e Kanabistabilitetit do të thotë që Qeveria e Edi Ramës të kontrollojë vendin në partneritet me mafien e drogës, duke krijuar një regjim hybrid që e përtërin pushtetin sa herë ka zgjedhje, me anë të parave të drogës. Doktrina e Kanabistabilitetit është bërë doktrinë praktikisht zyrtare e Departamentit të Shtetit në sajë të lobingut të Sorosit në Ëashington. Prandaj ambasadori amerikan në Tiranë hesht për atë që Shqipëria e tërë është mbjellë me cannabis sativa, si kurrë më parë. Prandaj Edi Rama tallet duke kërkuar që të merret Departamenti i Shtetit si arbitër për raportin që ka qeveria e tij me drogën.
Ambasadori amerikan në Itali, John R. Phillips e mbron këtë doktrinë në Romë duke ushtruar presion ndaj autoriteteve italiane që të mos denoncojnë drejtpërdrejt Qeverinë e Edi Ramës, si narkoregjim që po përmbyt Europën me drogë. Vetëm një pilot i trafikut të drogës, i kompanisë ?Phillips Airlines? mund të japë si shpjegim për zbritjen e tij në Shqipëri në një pistë ilegale, atë shpjegim që dha piloti italian që zbriti sot me aeroplan në Ishëm.
Piloti tha se kishte pasur në plan që të udhëtonte për në veriun e Italisë, por meqënëse e pa kohën e bukur, vendosi të shëtisë mbi det, dhe kështu arriti deri në bregdetin shqiptar, ku hyri pa kërkuar leje, dhe duke e pasur të fikur transponderin që e bënte të dallueshëm, si dhe duke fluturuar qëllimisht në lartësi të ulët. Ai u zbulua vetëm sepse u përplas aksidentalisht në tokë, gjatë uljes, duke ngatërruar vendndodhjen e pistës. Dhe ai ishte duke pilotuar një aeroplan të përshtatur si kargo për ngarkesë. Kuptohet se ky aeroplan do të ngarkohej me drogë në Ishëm.
Nuk parashikohet që ky incident të ndërpresë punën e ?Phillips Airlines? sepse janë mijëra ton kanabis që duhen transportuar në Europë (një bimë nxjerr mestarisht një kg në një korrje). Transporti do të vazhdojë nga deti, ajri dhe toka.