web counter
LEXO PA REKLAMA!

SHKARKO APP

App Store
Google Play

E fundit!

x

Tahiri-Nokës: Në rolin e tellallit, cili  prokuror ta dha këtë informacion?

16 Shtator 2016, 12:49, Aktualitet CNA

Ministri i Brendshëm Sajmir Tahiri përmes një njoftimi për mediat, nga ministria e Brendshme i është përgjigjur akuzave të deputetit të Partisë Demorkatike Flamur Noka.

?Nuk ka asgjë të re në deklaratat e Partisë Demokratike dhe të deputetit Flamur Noka. Edhe kjo e sotmja i shtohet tufës së mbi 2.000 deklaratave kundër Ministrit të Punëve të Brendshme për të përbaltur figurën e punën e tij dhe Ministrisë së Punëve të Brendshme. Në qoftë se Flamur Noka është në rolin e tellallit, atëherë le të tregojë se cili është prokurori që i ka dhënë këtë informacion?, thuhet në deklaratën për shtyp të Ministrisë së Brendshme.

Nga ana tjetër ministri Tahiri i kërkon përmes kësaj deklarate deputetit Noka nëse flet si dëshmitar të depozitojë dëshminë e tij në Prokurori.

?Në qoftë se Flamur Noka është në rolin e dëshmitarit, atëherë le të paraqitet në Prokurori dhe të depozitojë të gjithë të dhënat që ka, në lidhje me këtë ngjarje. Por ka disa pyetje që mbeten ende pa përgjigje: për cilën arsye Flamur Noka doli në Kuvend dhe bëri botën me dije për rrëzimin e avionit, një çështje për të cilën Policia e Shtetit dhe Prokuroria kishin nisur një hetim? Për cilën arsye Flamur Noka bëri publik hetimet mbi avionin? Me këto pyetje, nuk po aludojmë se Flamur Noka ka lajmëruar trafikantët, por janë pyetje që presin përgjigje.

Përtej çdo akuze, Ministria e Punëve të Brendshme dhe Policia e Shtetit janë të angazhuara maksimalisht në luftën kundër paligjshmërisë dhe kriminalitetit?, thuhet në deklaratën e Ministrisë së Brendshme. /Citynews.al

 





Lajmet e fundit nga