web counter
LEXO PA REKLAMA!

SHKARKO APP

App Store
Google Play

KQZ: Rezultati, përditësim pas çdo kutie/ Numëruesit të respektojnë Kodin Zgjedhor

12 Shtator 2016, 09:45, Aktualitet CNA

KQZ bën të ditur se me rinisjen e numërimit ditën e sotme janë ndryshuar disa numërues. Zëdhënësja e KQZ-së Drilona Hoxhaj bën të ditur se KQZ do të përcjellë të dhënat në kohë reale në faqen e internetit dhe do të përditësojë rezultatin pas çdo kutie.

“Komisioni Qendror i Zgjedhjeve informon se procesi i numërimit të votave ka filluar në orën 23.40 minuta të mbrëmjes së kaluar, pas dorëzimit të të gjithë  bazës materiale zgjedhore nga 118 QV dhe trajnimit të numëruesve nga Administrata e KQZ-së.  Me vendim të KZAZ-së nr. 19, procesi i numërimit u ndërpre në orën 04.40 minuta për të rifilluar sot në orën 10.00.

Ditën e sotme ka patur disa ndryshime në anëtarësinë e grupeve të numërimit, ndaj KQZ ka bërë trajnimin e tyre dhe numërimi ka rifilluar në orën 10.45 minuta”, tha Hoxhaj.

KQZ i bëri thirrje komisionerëve dhe anëtarëve të grupeve të numërimit të zbatojnë Kodin dhe të vijojnë me ritme të shpejta numërimin e votave.

Komisioni Qendror i Zgjedhjeve bën me dije se deri tani janë numëruar 44 Qendra Votimi nga 118.

“Rezultatin paraprak të numërimit të votave mund ta ndjekin të gjithë qytetarët edhe në faqen zyrtare të internetit Komisionit Qendror të Zgjedhjeve, cec.org.al, i cili në kohë reale pasqyron të gjithë të dhënat që vijnë nga KZAZ menjëherë pas përfundimit të numërimit të çdo kutie votimi”, theksoi Hoxhaj.

/Citynews.al





Lajmet e fundit nga