E fundit!

10:57 Aktualitet

Rama i nxjerr “simpatizantes” së Iranit foton me kryeshërbëtorin famëkeq të Ajatollahëve

Në protestat e zhvilluara prej më shumë se tri javësh në T...

12 shtator, Kurban Bajrami/ Bruçaj: Festa, të shtrëngohen duart e miqësisë

11 Shtator 2016, 13:32, Aktualitet CNA

12 shtatori shënon festën e Kurban Bajramit për të gjithë muslimanët këtë vit. Kjo festë mbart simbolin e sakrificës duke bërë kurban dhe shpreh devotshmërinë e besimtarëve për të adhuruar Allahun.

Sipas kalendarit të publikuar nga Komuniteti Mysliman, falja e namazit do të kryhet në orën 07.00 të së hënës në bulevardin ?Dëshmorët e Kombit?, përpara ish-Hotel Dajtit. Më pas, festa vazhdon me prerjen e kurbanit për atë që ka mundësi, duke mbaruar me vizitat në shtëpitë e të afërmve dhe miqve. Kreu i Komunitetit Musliman në Tiranë Skënder Bruçaj uroi besimtarët për këtë festë dhe për më shumë mirëkuptim mes tyre.

?Me emrin e Allahut, të Gjithëmëshirshmit, Mëshirëplotit! Të nderuar besimtarë. Në një ditë të tillë feste, në të cilën atmosfera shpirtërore ndihet anembanë, dua t?ju përcjell urimet më të mira: qofshi të gëzuar e në paqe me të gjithë të dashurit e zemrës. Besimtarët myslimanë shprehin devotshmërinë e tyre duke bërë kurban dhe duke u solidarizuar me fqinjët dhe njerëzit në nevojë.

Në këtë atmosferë festive këshillohet që të gëzojmë sa më shumë zemra, të shtrohen sofrat, të shtrëngohen duart e miqësisë, të vizitohen të afërmit, të sëmurët, si dhe të shkëmbehen dhurata?, tha ai.

Në vëmendje të besimtarëve duhet të jetë përkujdesja dhe ndihma ndaj të të pamundërve, të sëmurëve dhe atyre që jetojnë në vështërsi ekonomike, theksoi Bruçaj.

?Kjo është një festë që i përket gjithë njerëzimit, prandaj le të ndajmë me nevojtarët mirësitë materiale e shpirtërore. Të lutemi që ditët e festës të vazhdojnë pareshtur për mbarë njerëzimin; të lutemi e të festojmë të bashkuar dhe të flasim vetëm një gjuhë, atë të dashurisë, vlerësimit ndaj njëri-tjetrit dhe ndihmës reciproke:, tha ai.

Në fenë islame, Kurbani rrit shpirtin bindës ndaj Allahut dhe besimtarët shfaqin adhurimin për të. Në aspektin social, prerja e kafshëve dhe ndarja e vakteve është shenjë e barazisë në shoqëri dhe ndikon për të kaluar hendekun midis shtresave të ndryshme shoqërore, duke i nxitur ata drejt bashkëpunimit.

E rëndësishme është për besimtarët që pjesë të prerjes së kurbanit, t?ua dhurojnë të varfërve dhe të solidarizohen me vështirësitë e tyre. /Citynews.al