web counter
LEXO PA REKLAMA!

SHKARKO APP

App Store
Google Play

E fundit!

x

PD: Rama mbron paligjshmërinë e Sadriut/ Vetë firmosi shembjen

22 Gusht 2016, 12:17, Aktualitet CNA

Partia Demokratike në një deklaratë për mediat akuzon kryeministrin Edi Rama se vazhdon të mbrojë paligjshmërinë e ndërtuesit Sadri Abazi që vazhdon të ndërtojë pallatin e tij në Tiranë.

?Sadriu i Ramës po vazhdon të përfundojë edhe katin shtesë në Pallatin e tij në zemër të Tiranës, dhe Edi Rama jo vetëm që e lejon, ndalon ligjin të funksionojë, por del dhe e mbron publikisht përmes dallëndyshes së INUK-ut, drejtoreshës kukull të Ergys Hoxhës, i cili drejton operacionin kriminal dhe korruptiv të blerjes së votës në Dibër?, thotë në deklaratën për mediat Ina Zhupa zëdhënëse e PD.

Partia Demokratike bën publik edhe vendimin që vetë Edi Rama ka firmosur për prishjen e objektit për të cilin flitet, kur ishte kryetar i bbashkisë së Tiranës, ndërsa sot e mbron dhe thotë se është në rregull.

?Ja ku kemi këtu vendimet për prishje objekti të pallateve të Sadriut të Ramës, sepse janë ndërtuar pa leje. Edi Rama vetë kur ishte kryetar bashkie ka nxjerë vendim për prishjen e pallateve.

Bashkia Tiranë, vendim për prishje objekti, 17.02.2010.Më pas Rama u miqësua me Sadriun, ose Sadriu diti se si ta rregullonte punën me të. Dhe sot Rama ka ndryshuar mendje, del dhe thotë se Sadriu është në rregull, dhe i paska legalizuar pallatet. Si mund të legalizohet një objekt për të cilin ka vendim prishje??, thuhet në deklaratën e PD-së.

PD i cilëson veprimet e kreut të qeverisë kriminale për të mbuluar shkeljet e ligjit.

?Të gjithë këto; janë përpjekje kriminale për të mbuluar këtë shkelje skandaloze të ligjit, këto dy standarde në vend, ku mijëra vetë janë në burg për një rregullim catie, ndërsa Sadriun e Ramës nuk e gjen gjë për ndërtimin e një kati të tërë pa leje në mes të Tiranës. Kjo padrejtësi do të marrë fund. Dibra e para do të çlirohet me 11 shtator nga ky sundim bande?, thuhet në deklaratën e Partisë Demokratike. /Citynews.al





11:57 Aktualitet

Në pranga dhunuesi

Shërbimet e Komisariatit të Policisë Malësi e Madhe, Shkodër...

11:47 Aktualitet

Burg për drogë

Policia ka bërë të mundur kapjen dhe arrestimin e Banush Ogi...

Lajmet e fundit nga