web counter
LEXO PA REKLAMA!

SHKARKO APP

App Store
Google Play

Siguria/Kamera dhe sensorë akustikë në çdo çerdhe

14 Gusht 2016, 16:34, Aktualitet CNA

Çerdhet do të monitorohen me kamera dhe me sinjal akustik. Ky është vendimi i Qeverisë i cili përcakton se në çdo çerdhe do të instalohen kamera dhe sinjale akustike duke shtuar masat e sigurisë në këto objekte.

Këtu përfshihen të gjitha çerdhet, qofshin ato që do të ndërtohen të reja, qoftë edhe ato që janë në proçes rikonstruksioni.

Ministria e Zhvillimit Urban, bashkë me institucionet e linjës që menaxhojnë dhe administrojnë këto institucione kanë marrë vendimin që ambjentet hyrëse të monitorohen me kamera sigurie dhe të vendoset dhe një sinjal akustik për të pasur nën kontroll hyrjet dhe daljet e personit, prindërve dhe fëmijëve.

Vendimi i Qeverisë i publikuar në Fletoren Zyrtare përcakton hapësirat që duhet të këtë për fëmijët, për administratën, shërbimet higjenike dhe mbrojtja kundër zjarrit.

Në vendim thuhet se çerdhet duhet të kenë dalje emergjence, fëmijët të mos akomodohen në ndërtesa me kate nëntokë.

Godina e çerdheve të jetë e ndërtuar në zonat urbane ku kanë akses mjetet e shërbimit zjarrëfikës dhe në çdo dhomë të ketë pajisje kundër zjarrit.

Psikologu do të ketë ambjentin e tij të këshillimit të prindërve apo të stafit si dhe do të punojë për zhvillimin psiko-motor të fëmijëve, ndërsa administrata e këtij instutcioni nuk duhet të diskriminojë fëmijët si pasojë e paaftësisë fizike, rracës apo etnisë.

/citynews/





Lajmet e fundit nga