web counter
LEXO PA REKLAMA!

SHKARKO APP

App Store
Google Play

E fundit!

x

Gjyqtari shqiptar në Strasburg/Qeveria sqaron procedurën. Lista e kandidatëve

13 Gusht 2016, 17:04, Aktualitet CNA

Qeveria iu përgjigj akuzave të opozitës në lidhje me kandidatin që do të përfaqësojë Shqipërinë në Gjykatën Evropiane të të Drejtave të Njeriut.

Sipas reagimit, Këshilli i Evropës ka ftuar Qeverinë shqiptare që të paraqesë brenda datës 26 qershor listën me propozime për tre kandidaturat më të përshtatshme për gjyqtarin e ri të Shqipërisë në GJEDNJ, për shkak të mbarimit të mandatit të gjyqtarit aktual më datë 31.1.2017.

Qeveria thotë se kuadër të transparencës është publikuar edhe njoftimin për aplikim në Buletinin e Njoftimeve Zyrtare të Republikës së Shqipërisë, ndërsa është ngritur edhe një komision për këtë çështje i drejtuar nga Luan Omari, konstitucionalist, ish-anëtar i Komisionit të Venecias.

Për sa i përket procesit të vetting-ut ku opozita shprehu shqetësimin, qeveria thekson se komisioni gjatë kryerjes së ?procedurave përzgjedhëse për kandidatët për pozicionin e gjyqtarit të Shqipërisë në GJEDNJ, po zbaton dhe po vlerëson kandidaturat në përputhje jo vetëm me kriteret e thirrjes për aplikim, por edhe me parimet që qëndrojnë në themel të procesit të vetting-ut, të cilat lidhen me çështje të kompetencave profesionale, verifikimin e deklarimit të pasurisë dhe integritetin?.

?Për sa më lart dhe të vendosur për të garantuar profilin e kandidatëve për gjyqtarë, në përputhje me standardet më të larta, jo vetëm profesionale, por edhe morale, Komisioni, i ka kërkuar aplikantëve vërtetimin e dorëzimit të formularit të vetëdeklarimit për garantimin e integritetit të personave që zgjidhen, emërohen ose ushtrojnë funksione publike ose plotësimin e tij, si dhe ka kërkuar në rrugë zyrtare pranë ILDKPKI-së informacion mbi verifikimin e deklarimit të pasurisë në përputhje me legjislacionin në fuqi?, thuhet në reagim.

Emrat e aplikantëve të cilët po shqyrtohen prej Komisionit janë:

Xhezair Zaganjori
Altina Xhoxhaj
Dariel Sina
Elira Kokona
Ina Rama
Sokol Berberi
Gent Ibrahimi
Plarent Ndreca
Ledia Mirakaj
Sokol Puto
Ornela Rrumbullaku





Lajmet e fundit nga