web counter
LEXO PA REKLAMA!

SHKARKO APP

App Store
Google Play

Pushimet verore 2016 – Fituesit dhe humbësit

13 Gusht 2016, 16:01, Aktualitet CNA

Frika prej sulmeve terroriste apo pasiguria politike i shtyn shumë turistë t’i shmangen Turqisë si destinacion turistik. Prej kësaj përfitojnë vende të tjera.

Shumë turistë po u shmangen destinacioneve të dikurshme të preferuara në Turqi. Në muajin qershor ? pra përpara përpjekjes së dështuar për grusht shteti ? në Turqi kanë shkuar vetëm 2.4 milionë turistë të huaj, gati 41 për qind më pak se muajin e kaluar.

Vende të tjera po përfitojnë. Kështu Spanja po përjeton një bum të vërtetë. Edhe Ishujt Kanare, në fakt një destinacion klasik për periudhën e dimrit, kanë regjistruar në gjysmën e parë të vitit një rritje prej 13 për qind. Në Spanjë prenotimet janë rritur me njëmbëdhjetë për qind. Majorka dhe ishujt e tjerë të Baleareve kanë shënuar një rritje prej katër për qind. Fakti që rritja atje nuk është më e lartë, ka të bëjë me arritjen e kapaciteteve.

Përveç Italisë dhe Spanjës në radhën e fituesve janë edhe Greqia, Portugalia dhe Bullgaria. Greqia pret një rekord deri në 27 milionë turistë nga jashtë. Bullgaria ka shënuar sipas Ministrisë Turizmit në gjysmën e parë të vitit numrin më të madh të turistëve që prej dhjetë vjetësh. Vetëm nga Gjermania aty kanë shkuar 62 për qind më shumë turistë në muajin qershor. Për Portugalinë, numri i rezervimeve nga Gjermania shënoi në fund të qershorit një rritje prej 17 për qind.





Lajmet e fundit nga