web counter
LEXO PA REKLAMA!

SHKARKO APP

App Store
Google Play

E fundit!

x

Shorti për anëtarët e KED/Nishani nuk tërhiqet, do të zbatojë kompetencat kushtetuese

12 Gusht 2016, 17:28, Aktualitet CNA

Presidenti Bujar Nishani do të ushtrojë kompetencën e tij kushtetuese që detyron të hedhë shortin për emërimin e anëtarëve të Këshillit të Emërimeve në Drejtësi 5 dite nga hyrja në fuqi e Kushtetutës së re.

Edhe pse ligji që përcakton kriteret ende nuk është miratuar nga Kuvendi, Presidenti duket i vendosur për hedhjen e shortit.

Pavarësisht ngërçit të krijuar për shkak të mos miratimit të ligjit për rivlerësimin e gjyqtarëve dhe prokurorëve, Presidenti Nishani do të ushtrojë kompetencën e tij, për hedhjen e shortit për zgjedhjen e anëtarëve të Këshillit të Emërimeve në  Drejtësi.

Burime nga Presidenca bënë të ditur për Citynews se në takimet që Kreu i Shtetit zhvilloi me Kryetarët e Grupeve Parlamentare, ata shprehën mbështetjen për zgjedhjen që do të bëjë Presidenti. Në këto kushte, Presidenti do të respektojë Kushtetutën, që do të thotë se brenda datës 16 gusht, do të hedhë shortin për Këshillin e Emërimeve në Drejtësi.

Neni 149 i Kushtetutës, përcakton se Këshilli i Emërimeve  përbëhet nga 9 anëtarë të përzgjedhur me short, nga radhët e gjyqtarëve dhe prokurorëve, ndaj të cilëve nuk është dhënë masë disiplinore.

Ky duket se do të jetë edhe filtri që do të përdorë kreu i shtetit për hedhjen e shortit, në mungesë të ligjit që bën vlerësimin e gjyqtarëve dhe prokurorëve, i cili duhet të miratohet nga Komisoni i Posaçëm i Reformës dhe më tej nga Kuvendi i Shqipërisë.

I njëjti nen përcakton se Presidenti i Republikës përzgjedh me short, dy gjyqtarë nga Gjykata Kushtetuese, një gjyqtar nga Gjykata e Lartë, një prokuror nga Prokuroria e Përgjithshme, dy gjyqtarë dhe dy prokurorë nga gjykatat e apelit, si dhe një gjyqtar nga gjykatat administrative për të plotësuar trupën e KED. /citynews/





Lajmet e fundit nga