web counter
LEXO PA REKLAMA!

SHKARKO APP

App Store
Google Play

E fundit!

x

Ilir Meta sqaron takimet me Meidanin dhe Ramën/Qeveria teknike nuk ekziston si opsion

2 Gusht 2016, 14:16, Aktualitet CNA

Kryetari i Kuvendit Ilir Meta, njëherazi Kryetar i LSI-së, në një deklaratë për mediat ka mohuar opsionin e një qeverie teknike.

Pas takimeve të zhvilluara me ish-Presidentin Rexhep meidani, Kryeministrin Edi Rama apo me ish-deputetin Koço Kokëdhima,  Meta tha se nuk ekziston opsioni i një qeverie teknike sikundër është folur në media. Kryetari i LSI-së deklaroi se koalicioni duhet të përmbushë detyrimet e tij qeverisëse, morale dhe parimore ndaj qytetarëve shqiptarë.

I pyetur nëse Rexhep Meidani është kandidat për Kryeministër në një Qeveri teknike, Meta tha se kjo pyetje është pa vend, pasi një opsion i tillë nuk ekziston.

Meta tha se dreka me ish-Presidentin Meidani ka qenë e planifikuar, ndërsa praninë e Kokëdhimës në të, e cilësoi të rastësishme.

?Koço erdhi pasi ka shpinë afër Grandit dhe vjen gjithonë këtu. Erdhi ndenji pak minuta dhe iku?, tha Meta.

?Në rast se ka një keqkuptim për deklaratën time për qeveri teknike, kjo kishte të bënte me atë situatë, që unë isha i gatshëm të ndërmerrja çdo veprim, që të miratohej reforma?, theksoi Meta.

I pyetur mbi kërkesën e kreut të PD-së Lulzim Basha për një qeveri teknike që do të garantojë zgjedhjet e lira dhe të ndershme, Meta tha se propozimi i Bashës është krejt tjetër. Kreu i LSI tha se edhe ne jemi për zgjedhje të lira dhe të ndershme dhe do të japim kontributin tonë në këtë drejtim për të përmbushur standardet.

Ndërkohë në lidhje me çështjen e reformës në drejtësi, Meta theksoi se pr/ligjet do të miratohen me konsensus dhe reforma nuk duhet të ngatërrohet me çështjen e koalicionit. /citynews/





Lajmet e fundit nga