web counter
LEXO PA REKLAMA!

SHKARKO APP

App Store
Google Play

E fundit!

x

Basha: Qeveria teknike kusht për zgjedhje të lira e të ndershme

2 Gusht 2016, 10:44, Aktualitet CNA

Kreu i PD Lulzim Basha në një bashkëbisedim me gazetarët tha se beteja e rradhës e opozitës pas miratimit të Reformës në Drejtësi e Dekriminalizimit janë zgjedhjet e lira e të ndershme në vend e per këtë kusht i vetëm është qeveria teksnike.

“Kemi prezantuar platformën tonë për zgjedhje të lira dhe të ndershme në reformën e posaçme të reformës zgjedhore, por qeverisja e Edi Ramës po shteron mundësinë kohore për implementimin e platformës sonë.Po bëjnë gati vjedhjen dhe shkatërrimin e zgjedhjeve të radhës. Kjo është një vijë ndarëse që nuk kalohet. Nuk do të lejojmë prishjen e procesit të ardhshëm zgjedhor. Kushti ynë për garantimin e zgjedhjeve të lira dhe të ndershme është dhe mbetet qeveria teknike?, shtoi kreu i PD-së.

Në hyrje të fjalës së tij Basha bëri një rezyme të situatës së aktualiteti në vend  të cilën ai e cilësoi si krizë për shkak të çmimeve  të papërballueshme varfërisë krizës e pasigurisë  së gjithanshme.

Basha tha se për opozitën nuk do të ketë pushime as në muajin gusht për shkak të zhvillimeve të fundit politike në vend.  Kryedemokrati tha se  opozita arriti të miratonte ligjin e Dekriminalizimit dhe Reformën në drejtësi me konsensus dhe nuk lejoi kapjen e drejtesise.

Lidhur me miratimin e 7 ligjeve , Basha tha se procesi nuk është më një luftë politike dhe kushdo që kërkon ta kthejë në të tillë do të përballet me pasojat./Citynews

 

 





Lajmet e fundit nga