web counter
LEXO PA REKLAMA!

SHKARKO APP

App Store
Google Play

Turqia arreston grupin e ushtarëve që do "rrëmbenin" Erdoganin

1 Gusht 2016, 09:09, Aktualitet CNA

Gjithçka ishte planikifkuar mjaft mirë dhe me kujdes nga ana e ushtarëve turq para se ata të ndërmerrnin inciativën për tu ngritur kundër shtetit. Mediat ndërkombëtare shkruajnë se policia turke ka bërë të mundur arrestimin e një grupi ushtarësh të cilit do të arrestonin presidentin Erdogan atë natë.

Dy javë pas tentativës për grusht shteti ata janë kapur pranë Mamarasë. Recep Tayyip Erdogan ishte me pushime në resortin jugperëndimor të vendit gjatë asaj nate, por mundi të largohej vetëm pak përpara se hoteli ku qëndronte ai të mësyhej nga ata pak ushtarë.

Sipas raportimeve të fundit nga Turqia, forcat speciale të vendit arritën t?i gjurmonin ata dhe t?i arrestonin në një zonë të pyllëzuar.

Ushtarët rebelë ishin pikasur nga fshatarë të zonës që kishin dalë për gjueti derrash në zonën e pyllëzuar të Marmarasë. Të shtëna me armë zjarri janë raportuar gjatë operacionit të ndalimit të tyre, por asnjë viktimë nuk raportohet të jetë shënuar. Mes 11 ushtarëve të arrestuar përgjatë natës mes të dielës dhe të hënës ishte edhe majori Sukru Seymen, komandanti i dyshuar i grupit sipas agjencisë së lajmeve ?Anadolu?.

Që prej asaj përpjekjeje të dështuar për grusht shteti, Erdogani ka nisur një fushatë spastrimi të atyre që dyshohen të jenë të lidhur me atë natë paniku e terrori në Turqi.

Me dhjetëra mijëra njerëz janë arrestuar, shkarkuar apo pezulluar nga pozicionet e tyre në ushtri, drejtësi, shërbimet civile apo arsim. Autoritetet turke akuzojnë klerikun mysliman që jeton në mërgim në Shtetet e Bashkuara, Fethullah Gulen, ai trurin organizator të përpjekjes për grusht shteti, diçka që në fakt vet predikuesi e ka mohuar kategorikisht./Citynews





Lajmet e fundit nga