web counter
LEXO PA REKLAMA!

SHKARKO APP

App Store
Google Play

E fundit!

x

Ngjela ironizon këngët kushtuar Ilir Metës/Si Rrapush Xhaferri, edhe atij i këndohej

1 Gusht 2016, 07:21, Aktualitet CNA

Jo vetëm të rinjtë e FRESSH-it, por edhe Spartak Ngjela, ironizon Kryetarin e Kuvendit, Ilir Meta. Ngjela ka reaguar në rrjetet sociale një ditë pasi disa të rinj të LRI-së shpërndanë një video me një këngë të re kushtuar kreut të LSI-së, duke nxjerrë në pah përmes tekstit, angazhimin dhe përkushtimin e Metës, në arritjen e konsensusit.

Madje avokati bën një krahasim mes këngëve që këndohen për Metën, me ato që këndoheshin ndaj Rrapush Xhaferrit.

Komenti i Spartak Ngjelës

Historite e korrupsionit jo vetëm janë të ngjashme, por vijnë e bëhem identike kur janë në segmentin e fundit.

Ka shembuj të shumtë nga historia e krimit, mashtrimit dhe abuzimit, por nuk kemi pse të largohemi: a nuk është identike kënga për Ilir Metën që është ngritur këto ditë, me këngën qe iu ngrit Rapush Xhaferit?

Dhe mos mendoni se janë larg në aktivitet. Rapushit i këndonin se ?po i shpëtonte nga varfëria? me një skemë ?fut 1000 lek, dhe merr 3000 lek?.

Kurse Metës i kënduan për frikën që tregoi për Reformën në Drejtësi. Rapushi gëzohej se do rriteshin paratë e popullit në depozitat e tij mashtruese, por nuk dimë sa është gëzuar Meta.

Megjithëse, fakti që ka porositur këngën, kuptohet se ështe në hallin e Rapush Xhaferit tre muaj para falimentit e që mendoi të tregonte forcë popullore.

Vërtet mendon Meta se mund të trembë politikën amerikane me një palokëngë kalamajsh?

Historia është treguar gjithmonë e pamëshirshme me ngjashmëri të tilla.





Lajmet e fundit nga