web counter
LEXO PA REKLAMA!

SHKARKO APP

App Store
Google Play

Ilir Meta “puc” kryeministrit me mocion mosbesimi/ Gjen zëvendësuesin e Ramës

1 Gusht 2016, 07:45, Aktualitet CNA

Aleati më i madh në qeveri është edhe fatkeqësia më e madhe e socialistëve. Ilir Meta është njeriu i  cili në shumë mënyra po përpiqet që me cdo kusht të largojë Edi Ramën nga posti i kryeministrit të vendit.

Pas disa lëvizjeve gjatë negociatave për ?reformën në drejtësi?, Ilir Meta nuk ka ndalur  betejën e tij për të larguar Edi Ramën nga kreu i qeverisë. Qëndrimet e të tij të forta publike tronditën politikën në vend, Meta u duk se u tërhoq nga qeveria teknike dhe largimi i Edi Ramës pas intervistës të dhënë në emisionion Opinion të Blendi Fevziut.

Në fakt kjo ka qenë më shumë një levizje taktike e kryeparlamentarit i cili në fakt po lufton më fort se më parë.

Burime zyrtare i thanë citynews se Meta është i vendosur për largimin e Edi Ramës dhe për këtë veprim ai ka edhe mbështetjen e Lulzim Bashës, por edhe faktorëve të tjerë më peshë brenda mazhorancës dhe të pakënaqurit në PS.

Tashmë Ilir Meta ka gjetur edhe emrin konsensual që mund të drejtojë qeverinë teknike dhe ai është Rexhep Meidani, ish-Presidenti i Republikës 97-2002, emër i cili gëzon edhe simpatinë e opozitës. Meta duket i vendosur në hapat e tij dhe ndarja me kryeministrin Rama duket të jetë përfundimtare. Qëndrimet publike janë thjesht fasade lufta e tyre po rëndohet dhe thellohet cdo ditë dhe më shumë./citynews/





Lajmet e fundit nga