web counter
LEXO PA REKLAMA!

SHKARKO APP

App Store
Google Play

E fundit!

x

Meta-Meidani, drekë tek Grandi/ Kandidati për Kryeministër që prish planet e Ramës

1 Gusht 2016, 12:26, Aktualitet CNA

Kryetari i Kuvendit Ilir Meta dhe kandidati për Kryeministër, ish-Presidenti Rexhep Meidani, do të kenë një drekë pune sot në hotel Grand në zonën e ish-Bllokut, që thuhet se është në pronësi të ish-deputetit socialist, Koço Kokëdhima.

Nga ky fakt mendohet se pjesë e drekës do të jetë edhe ish-deputeti socialist, i cili dikur ka qenë një nga mbështetësit e ish-Presidentiot Meidani, gjatë kohës që ai ushtronte detyrën e Kreut të Shtetit.

Takimi është organizuar me kërkesë të Kryetarit të Kuvendit, njëherëz edhe Kryetar i LSI-së, ndërsa ish-Presidenti sikundër mësohet ka qenë me pushime në Pogradec.

Në qendër të takimit mësohet se do të jetë propozimi që do t?i bëhet ish-Presidentit për të pranuar postin e Kryeministrit të një Qeverie teknike.

Burime konfidenciale i thashë Citynews se parimisht të dy bashkëbiseduesit kanë rënë dakort, ndonëse priten të tjera detaje, që do të qartësohen pas këtij takimi.

Takimi mes Kryeparlamentarit dhe ish-Presidentit vjen në një kohë kur mes dy partive të koalicionit qeveritar, PS dhe LSI ka nisur një përplasje e fortë, e cila mesa duket do të çojë në rrëzimin e Qeverisë Rama dhe krijimin e një qeverie teknike.

Meidani shihet si një kandidat që mund të sigurojë votat edhe të një pjese të deputetëve socialist, të cilët janë të pakënaqur me Ramën, kanë krijuar përplasje me të apo janë lënë në hije.

Ish-Presidenti ka mbajtur edhe detyrën e Sekretarit të Përgjithshëm të PS-së përpara se të merrte pozicionin e Kreut të Shtetit pas zgjedhjeve parlamentare të 1997. Në kushte të tilla veç mbështetjes që emri i tij ka nga LSI, por edhe nga opozita, Meidani mund të prishë çdo skenar të Kryeministrit për të siguruar votat që mund ta mbajnë në pushtet edhe pa LSI-në, për faktin se ai ndan Grupin Parlamentar socialist.

Ndoshta kjo është arsyeja që një ditë më parë, Kryeministri Edi Rama nisi sulmin mediatik ndaj ish-Presidentit Meidani. Tashmë duket se ditët e qeverisë Rama janë të numëruara dhe ndoshta kjo është arsyeja sepse Ambasadorët e akredituar në Tiranë po insistojnë në miratimin sa më parë të 7 pr/ligjeve për reformën në drejtësi, në mënyrë që procesi i reformës të mos ketë ngadalësim për shkak të përplasjeve politike që mund të krijohen. /citynews/





Lajmet e fundit nga