web counter
LEXO PA REKLAMA!

SHKARKO APP

App Store
Google Play

E fundit!

x

Basha pranoi versionin e Ramës për Reformen në Drejtësi/ Ja faktet

20 Korrik 2016, 19:44, Aktualitet CNA

Kryetari i Partisë Demokratike Lulzim Basha ka pranuar versionin e propozuar nga Kryeministri Edi Rama për Reformën në Drejtësi, lidhur me rolin e vëzhguesve ndërkombëtarë.

Sipas fakteve që do t?i gjeni të renditura më poshtë, rezulton se kreu i PD-së Basha i është gëzuar një suksesi fals, ose është tallur me shqiptarët dhe ndërkombëtarët për një kohë të gjatë. Në fund Lulzim Basha ka pranuar një marrëveshje që bazohet në propozimin e Ramës paraqitur 3 javë më parë për deputetët, i cili ka të bëjë me një rol monitorues dhe vëzhgues të ndërkombëtarëve. Ky version lënë mbi tavolinë dhe  mbështetur publikisht nga Edi Rama është versioni i formuluar sipas Venecias dhe mbrohej me fanatizëm nga kryeministri.

Propozimi në tryezën e deputetëve sipas Venecias, mbrojtur nga Rama

Sipas rekomandeve të fundit të Komisionit të Venecias, të cilat u mbështetën nga shefi i qeverisë, “vëzhguesit ndërkombëtarë do të japin rekomandime lidhur me kualifikimin dhe përzgjedhjen e kandidatëve për pozicionin e anëtarit të Komisionit dhe Kolegjit të Apelimit, do të paraqesin gjetje dhe mendime mbi çështje që shqyrtohen nga komisioni, do tu japin komisionerëve publikë rekomandime me shkrim për të paraqitur ankim, si dhe do të kenë të drejtë të marrin të gjithë informacionet menjëherë, të dhënat për personat e dokumentet e nevojshme, me qëllim monitorimin e  procesit dhe rivlerësimit”.

Të gjitha detyrat që do të ushtrohen nga vëzhguesit ndërkombëtarë mbeten në rangun e rekomandimit, monitorimit dhe vëzhgimit.

 

 

Versioni i dakortësuar, propozuar nga komisioneri Hahn

Komisioneri Johannes Hahn i dergoi sot Kryeministrit Edi Rama, Kreut te Kuvendit, Ilir Meta dhe Kreut te PD, Lulzim Basha një mesazh të qartë me pika konkrete për pikat që supozohej se ndanin palët.

Në draftin e dakortësuar dhe i mbështetur nga Hahn thuhet se  “roli i Operacionit Ndërkombëtar të Monitorimit ONM duhet të ketë një bazë të ligjshme solide brenda Kushtetutës.

hahnGjithashtu ONM-ja do të japë rekomandime të cilat nuk janë ligjërisht detyruese. Në çdo rast, këto rekomandime do të përmbajnë për çdo qëndrim të mbajtur, një arsyetim shpjegues bazuar mbi kriteret e përcaktuara nga legjislacioni.? thuhet më tej në propozimin e dakortësuar.

Ky draft nuk ka asnjë ndryshim me propozimin e mbrojtur fillimisht nga Rama, sipas të cilit ndërkombëtarët nuk kanë rol vendimmarrës por atyre ju ishte shtuar vetem roli monitorues dhe rekomandues.

Propozimi hibdri i Victoria Nuland

Në vizitën e saj në Shqipëri, Zv.Sekretarja Victoria Nuland paraqiti propozimin e quajtur hibrid, ku nënvizoi se nuland“ndërkombëtarët nuk mund të kenë rol ekzekutiv”.

Pra edhe propozimi i Nuland ka qenë në përputhje dhe pas asnjë ndryshim me draftin fillestar të paraqitur, formulimi eshte thuajse i njëjtë.

Versioni konsensual i sotëm i komisionerit Hahn nuk ka asnjë ndryshim në formulim nga versioni i parë i tre javëve të shkuara dhe versioni i Nuland disa ditë më parë. Sipas krerëve të politikës shqiptare, në marrëveshjen e finalizuar për Reformën në Drejtësi, ndërkombëtarët do të kenë rol monitorues dhe vëzhgues, pra është pranuar versioni i Ramës paraqitur 3 javë më parë.

Drafti i Ramës nuk ka asnjë ndryshim me versionin që PD ka dakordesuar. Por Lulzim Basha thjesht ka bërë grindavecin dhe inatçiun, si dhe i është gëzuar një fitoreje aspak të merituar./citynews





Lajmet e fundit nga