Unaza e madhe e Tiranës/Qeveria avancon me shpronësimet

20 Korrik 2016, 16:27, Aktualitet CNA

Qeveria ka miratuar në mbledhjen e sotme vendimin mbi shpronësimin për interes publik të pronarëve që preken nga segmenti rrugor ?Unaza e madhe e Tiranës?, Komuna e Parisit-Rruga e Kavajës), shtesa?.

Sipas vendimit, shpronësimi të bëhet në favor të Autoritetit Rrugor Shqiptar.

Pronarët e pasurive të paluajtshme, që shpronësohen, të kompensohen në vlerë të plotë, sipas masës së kompensimit përkatës, që paraqitet në tabelën bashkëlidhur këtij vendimi, për pasuritë ?truall? dhe ?objekt?, me vlerë të përgjithshme shpronësimi prej 5 465 610 lekësh, nga të cilat:

– tokë ?truall?, me sipërfaqe 20m2, me vlerë 615 660 (gjashtëqind e pesëmbëdhjetë mijë e gjashtëqind e gjashtëdhjetë) lekë;

– ?objekt?, me sipërfaqe 70m2, me vlerë 4 849 950 (katër milionë e tetëqind e dyzet e nëntë mijë e nëntëqind e pesëdhjetë) lekë.

Vlera përgjithshme e shpronësimit për pasuritë ?truall? dhe ?objekte?, prej 5 465 610 lekësh, të përballohet nga buxheti i vitit 2016, miratuar për Ministrinë e Transportit dhe Infrastrukturës, zëri ?Shpronësime?, planifikuar për Autoritetin Rrugor Shqiptar.

Shpenzimet procedurale, në vlerën 70 000 lekë, të përballohen nga Autoriteti Rrugor Shqiptar. Pronarët e pasurive të përmendur në listën që i bashkëlidhet këtij vendimi, për të cilat është bërë shënimi ?Konfirmuar ZVRPP?, ?Vërtetim hipotekor?, ?Certifikatë pronësie?, të likuidohen, për efekt shpronësimi, në bazë të dokumentacionit të plotë të pronësisë që do të dorëzojnë pranë Autoritetit Rrugor Shqiptar.

Brenda 30 ditëve nga data e miratimit të këtij vendimi, Zyra Qendrore e Regjistrimit të Pasurive të Paluajtshme dhe Zyra Vendore e Regjistrimit të Pasurive të Paluajtshme Tiranë, në bashkëpunim me Autoritetin Rrugor Shqiptar, të fillojnë procedurat për hedhjen e trupit të rrugës në hartat kadastrale, sipas planimetrisë së shpronësimit që do t?u vihet në dispozicion nga Autoriteti Rrugor Shqiptar, dhe, me fillimin e procesit të likuidimit, të fillojë edhe procesi i kalimit të pronësisë për pasuritë e shpronësuara në favor të shtetit.

Zyra Qendrore e Regjistrimit të Pasurive të Paluajtshme dhe Zyra Vendore e Regjistrimit të Pasurive të Paluajtshme Tiranë të pezullojnë të gjitha transaksionet me pasuritë e shpronësuara, deri në momentin kur do të realizohen procesi i hedhjes së trupit të rrugës në hartat kadastrale dhe kalimi i pronësisë për pasuritë e shpronësuara. /citynews/