web counter
LEXO PA REKLAMA!

SHKARKO APP

App Store
Google Play

Aksioni antikanabis/Plagoset me çifte polici, arrestohen babë e bir

20 Korrik 2016, 14:57, Aktualitet CNA

Një punonjës policie ka mbetur i plagosur me armë gjatë një aksioni antikanabis në zonën e Memaliajt.

Policia e Shtetit bëri me dije se polici i dëmtuar me inicial A.H. u qëllua  me armë gjahu nga një 21 vjeçar gjatë një aksioni për shkatërrimin e parcelave me kanabis në këtë zonë.

Policia ka arrestuar të riun Halil Shyti, si dhe babain e tij, Luan Shyti 47 vjeç. Forcat e rendit sekuestruan edhe dy armë gjahu pa leje. Gjatë aksionit, janë asgjësuar 1300 bimë kanabis.

?Të dy këta shtetas (babë dhe bir) u kapën në parcelat e mbjella me bimë narkotike në lagjen Llakaj, Krahës- Tepelenë. Në momentin që Shërbimet e policisë kanë shkuar për të asgjësuar bimët narkotike shtetasi Halil Shyti ka qëlluar me një armë gjahu teke të cilën e mbante pa leje në drejtim të punonjësve të policisë ,ku ka mbetur i dëmtuar punonjësi i policisë A.H.

Nga këqyrja e vendit të ngjarjes u konstatuan dhe u asgjësuan 1300 bimë narkotike kanabis Sattiva. Gjithashtu u konstatua dhe një kabëll me anë të të cilit vidhej energji elektrike, si dhe nga kontrolli i ushtruar në banesë u gjet dhe një armë gjahu tjetër pa leje?, sqaron policia.

Materialet i kaluan Prokurorisë pranë Gjykatës së Shkallës së Parë për Krimet e Rënda Tiranë për veprime të mëtejshme.





Lajmet e fundit nga