web counter
LEXO PA REKLAMA!

SHKARKO APP

App Store
Google Play

E fundit!

x

Izolimi ndërkombëtar i Ilir Metës/Pas Kerry, Merkel e Nulland nuk do e takojë as Biden

10 Korrik 2016, 17:18, Aktualitet CNA

Kryetari i Kuvendit, Ilir Meta, njëherëz edheKryetar i LSI-së, partia e dytë në qeverisjen e vendit, nuk ishte pjesë e agjendës së takimeve nga Ndihmës Sekretarja amerikane e Shtetit Victoria Nulland.

Në vizitën disa orëshe në Tiranë, Nulland ka nisur takimet me ministrin e Jashtëm, Ditmir Bushati, për të vijuar me kreun e PD-së Lulzim Basha dhe Kryeministrin Edi Rama, ndërsa në fund e mbyll me një takim me përfaqësues të shoqërisë civile dhe medias.

Ndërkohë numri 2 në hierarkinë shtetërore, forca politike e të cilit ka në Kuvend rreth 20 deputetë, Ilir Meta, është përjashtuar nga takimet. Duket se me Kryeparlamentarin shqiptar është përsëritur e njëjta histori sin ë rastin e Sekretarit amerikan të Shtetit John Kerry, kancelares gjermane Angela Merkel dhe Ndihmës Sekretares së Shtett, Victoria Nuland.

Madje burime diplomatike bëjnë të ditur se Kryeparlamentari nuk është pjesë e agjendës së takimeve as nga zv. Presidenti amerikan Biden, që pritet të zhvillojë vizitën në Tiranë në muajin gusht.

Në këto kushte duket se ka një izolim ndërkombëtar për partnerin kryesor të Edi Ramës në qeverisjen e vendit, edhe pse pak javë më parë ai zhvilloi një vizitë në SHBA, i ftuar nga një fondacion hebre.

Duket se vizitat dhe takimet e përzgjedhura në Tiranë me politikanë të caktuar janë një paralajmërim që politika shqiptare mund të përfshihet nga një furtunë ndryshimesh, ku ata që mund të jenë aktorë kryesorë në ditët e sotme, nesër mund të mos kenë peshën apo rëndësinë e deritanishme.





Lajmet e fundit nga