web counter
LEXO PA REKLAMA!

SHKARKO APP

App Store
Google Play

E fundit!

x

Zbardhet plani i Ramës me reformën në drejtësi/ Frikë për arrestime ministrash

19 Qershor 2016, 08:22, Aktualitet CNA

Kryeministri Edi Rama dhe mazhoranca qeverisëse, të premten, bënë një lëvizje surprizë, duke e dërguar në Kuvend draftin me ndryshimet kushtetuese, në kuadër të reformës në drejtësi. Por dërgimi i draftit kur janë në pikëpyetje votat e LSI dhe PD, e cila ka deklaruar hapur se nuk voton draftin, ka ngritur shumë pikëpyetje mbi planin e vërtetë të shefit të qeverisë. Ai ka deklaruar se do e votojë reformën duke tentuar të marrë vota nga deputetë të caktuar të PD, por dyshimet janë se ka një tjetër plan, të ndalohet futja e duarve të amerikanëve te Byroja e Hetimit dhe Struktura Speciale Antikorrupsion.

Këto dy organe janë jetike dhe ambasadori Donald Lu e ka thënë se do të investojnë amerikanët për to, duke sjellë madje dhe agjentë të FBI. Frika e Ramës është se nëse amerikanët marrin këto dy institucione, rrezikohet që të hapen hetime për ministrat e tij dhe disa mund të shkojnë në burg. Tre më të akuzuarit kohët e fundit janë Saimir Tahiri, i akuzuar për lidhje me trafikun e drogës, Ilir Beqaj, i akuzuar për 3 koncesione të dhëna në mënyrë të dyshimtë dhe Damian Gjiknuri i akuzuar për pazare me marrëveshjen e arritur me CEZ, shkruan “Sot”

Por pyetja që shtrohet është si do arrijë Edi Rama që të ndalojë kapjen e dy organeve antikorrupsion nga ndërkombëtarët? Formula është e thjeshtë, drafti hidhet në votim në seancë plenare dhe rrëzohet. Kjo do të thotë se do të shtyhet me 1 vit reforma në drejtësi. Në pikën 8 të nenin 177 të Kushtetutës, thuhet se rishikimi i Kushtetutës për të njëjtën çështje nuk mund të bëhet përpara se të ketë kaluar një vit nga dita e rrëzimit të projektligjit në Kuvend. Dyshimet janë se dërgimi i draftit në Kuvend nuk po bëhet për të votuar reformën, por po bëhet për ta dërguar atë në kalendat greke.

Skenarët

Dyshimet janë se të gjitha palët politike janë të implikuara në planin e Ramës për rrëzimin e draftit, pasi dihet tashmë se askush nuk e do reformën në drejtësi, e treguar kjo përmes zvarritjeve të shumta që po i bëhen. Deri më tani, askush nuk e ka përmendur faktin se nëse drafti shkon në Kuvend, ai rrezikon që të shtyhet me 1 vit nëse rrëzohet. Por cilët janë skenarët që sipas burimeve, janë duke u përgatitur nga mazhoranca? I pari është dërgimi i draftit dhe më pas rrëzimi i tij në seancë. Më pas kjo do të përdoret për kredo politike, ku PS do dalë si partia që tentoi ta kalonte reformën, ndërsa PD do dalë si dështuesja e saj. Nga ana tjetër, rrëzimi i reformës rrezikon që ta shtyjë atë deri në 2018. Sipas Kushtetutës, nëse drafti në korrik bie në Parlament, ai mund të votohet vetëm 1 vit më pas, që i bie në korrik 2017. Mirëpo, në këtë muaj vendi sa do ketë dalë nga zgjedhjet e përgjithshme dhe Kuvendi nuk do jetë konstituuar. Kjo do të thotë se shqyrtimi i draftit do shtyhet për në vjeshtë. Diskutimet do të zgjasin dhe kështu rreziku është që drafti të përfundojë përfundimisht në kalendat greke.





Lajmet e fundit nga