E fundit!

09:26 Aktualitet

VIDEO/ "Të jetë birrë vallë apo ujë?"

Deputeti i Partisë Demokratike, Saimir Korreshi, ka publik...

Nga Edison Ypi/ Dasma ime

18 Qershor 2016, 19:49, Aktualitet CNA

Në kafenenë e një katundi mes Mallakastrës dhe Tepelenës më rrëfyen historinë e dasmës së dikujt që gjerbte lëng frutash rrëzë murit.
J’u afrova dhëndërrit. Nuk më la të flisja. Veç kur ja krisi,
-S’do ment do më pyesësh për dasmën time. Në këtë katund kurrë nuk ka ndodhur gjë më interesante se dasma ime. Vendosa të martohem. E gjeta shoqen e jetës në katundin fqinjë. Fola me babanë e vajzës. Bëmë përgatitjet. Erdhi dita e dasmës. U nisën krushqit për të marrë nusen. Kur arritën mbetën me goj hapur të tmerruar. Gjysëm ore para mbërritjes së tyre, nusja ishte zhdukur. E kishte rrëmbyer dikush me të cilin prej kohësh kishte qënë e dashuruar. Kur ma thanë u llahtarisa. Zhgënjim i madh. Dasma ime paskish qënë një ëndërr. “Shoqja e jetës” një tradhëtare. Nisa të gjej me ment arsyen pse dasma mu avullua. Ku s’më vajti mendja. Ndoshta duhej të kisha bërë më tepër kujdes për të fejuarën, ta kisha puthur, përkëdhelur. Nuk ishte rasti për teorira. Rrethanat dramarike kërkonin zgjidhje të shpejtë. Erdha në vete. I them babait të pabesës,
-Ç’më bëre o i uruar ? Ku të mbytem unë tani ?
-Mos u ngut, tha babai i tradhëtares. Që unë të mos luaj mendsh, dasma jote të mos prishet dhe jeta jote të mos nxihet, kam dy çupa të tjera, merre për grua njërën prej tyre. Hajt u trashëgofsh.
Mora kokën mes grushtave. Thashë me vete; Lere ç’thotë ky vjehërr monstër. Duhet parë më e rëndësishmja, dasma ime, si ta shpëtoj dasmën time pas së cilës vjen jeta ime. Nisa ta shqyrtoj problemin më thellë dhe me gjakftohtësi. Po ta prish këtë dasëm, mendova, do më ikin dëm përgatitjet, do më duhet të lodhem të gjej një tjetër nuse dhe të bëj një tjetër dasëm. Në fund të fundit Interneti i ka bërë të njëllojta gocat. I thashë vjehrrit shejtanbudalla; Vish nuse cilën të duash nga dy çupat. Le të vazhdojë dasma ime që për një qime desh u prish. Ashtu u bë. Mora për grua njërën nga dy çupat e vjehrrit. Këtë lugaten që do ta shohësh me sytë e tu kur pas pak do na sjelli mua e ty nga një gotë dhallë. Kështu mbaroi dasma ime. Kujdes me dasmën tënde.
-Un nuk do martohem.
-Pse ?
-Sepse para dasmës tënde katastrofike, preferoj dasmën time inekzistente.